“Parade of winners” буюу “Ялагчдын цуваа” олон улсын 10 дахь удаагийн моно жүжгийн фестиваль есдүгээр сарын 17-ноос 21-ний өдрүүдэд Улаанбаатар хотноо зохион байгуулагдахаар боллоо. Энэ удаагийн наадмын хөшгийг 2023 оны гранпри шагналт, Улсын хүүхэд залуучуудын театрын жүжигчин Р.Янжиндулам уран бүтээлээрээ албан ёсоор нээхээр болсон байна.
Наадмын онцлог ба оролцогч улсууд
Тус фестиваль нь Монгол Улс болон гадаадын уран бүтээлчдийн шилдэг моно жүжгүүдийг нэг тайзнаас толилуулж, жүжигчний ур чадвар, театрын урлагийн олон талт илэрхийллийг үзэгчдэд хүргэдгээрээ онцлогтой. Энэ жилийн 10 дахь удаагийн фестивальд Америк, Серби, Македон, ОХУ-ын уран бүтээлчид оролцож, өөр өөрийн орны театрын урлагийн онцлог, уран бүтээлийн өнгө аясыг нэг хүний жүжгийн хэлбэрээр үзэгчдэд хүргэх юм.
