Уильям Шекспирийн алдарт жүжгээс сэдэвлэж, Сергей Прокофьевийн хөгжмөөр бүтээсэн “Ромео, Жульетта” балетыг Улсын Дуурь бүжгийн эрдмийн театр, Их эзэн хааны театр хамтран арваннэгдүгээр сарын 6, 8-нд Соёлын төв өргөөнд толилуулна.
Хоёр залуугийн хайр сэтгэл, гэр бүлийн зөрчил, эмгэнэлт хувь заяаг сонгодог бүжиг, хөгжмийн хэлээр өгүүлдэг уг бүтээлийг энэ удаа шинэ бүрэлдэхүүнээр үзэгчдэд хүргэхээр болжээ.
Уран бүтээлийн багийг Д.Дашлхагва ахална
Тоглолтын ерөнхий найруулагчаар Д.Дашлхагва, ерөнхий зураачаар С.Бат-Эрдэнэ, удирдаачаар Ц.Тэлмүүн-Очир, дасгалжуулагч багшаар Монгол Улсын гавьяат жүжигчин Г.Батчимэг ажиллаж байна.
Хоёр өдрийн тоглолтод Улсын Дуурь бүжгийн эрдмийн театрын симфони найрал хөгжим, балетын жүжигчдээс гадна Монгол Улсын Консерваторийн Сонгодог бүжгийн тэнхимийн төгсөх ангийн оюутнууд оролцоно.
Гол дүрүүдэд хэн тоглох вэ
Арваннэгдүгээр сарын 6-ны тоглолтод:
- Ромео — Д.Нацагдорж
- Жульетта — Б.Марал
- Тибальт — О.Идэрбат
- Меркуцио — Ц.Мөнгөншагай
- Бенволио — О.Хатанбаатар
Арваннэгдүгээр сарын 8-ны тоглолтод:
- Ромео — Б.Дөлгөөн
- Жульетта — Г.Нямцэрэн
- Тибальт — О.Идэрбат
- Меркуцио — Х.Шаошуай
- Бенволио — О.Хатанбаатар
нар дүр бүтээх юм.
Тасалбар 60-300 мянган төгрөгийн үнэтэй
“Ромео, Жульетта” балет 140 минут үргэлжлэх бөгөөд 10-аас дээш насны үзэгчдэд зориулжээ.
Тасалбарын үнэ суудлын ангиллаас хамааран 60,000-300,000 төгрөгийн үнэтэй байна. Тоглолт 2026 оны арваннэгдүгээр сарын 6, 8-нд Соёлын төв өргөөнд болно.
