Бүгд Найрамдах Киргиз Улсын Чолпон-Ата хотын “Газпром” ордонд болж буй Дэлхийн нүүдэлчдийн VI наадмын хөтөлбөрт энэ удаа монгол үндэсний бөхийн барилдаан анх удаа багтжээ. Ингэснээр Монголын уламжлалт бөх олон улсын тус наадмын албан ёсны төрөл болон зохион байгуулагдсан байна.
Үндэсний бөхийн барилдаан 2026 оны есдүгээр сарын 2-нд болж, нийт 13 орны бөх хүч үзжээ. Тус тэмцээнд Монгол Улсын заан Д.Анар түрүүлж, Дэлхийн нүүдэлчдийн наадмын монгол үндэсний бөхийн төрлийн түүхэн дэх анхны алтан медалийн эзэн болсон юм.
Аваргын төлөөх шийдвэрлэх барилдаанд Д.Анар ОХУ-ын бөх Мөнгөн-Эртине Күүлэртэй хүч үзэж, ялалт байгуулсан байна. Харин шилдэг дөрөвт БНХАУ-ын Сүрилигэ болон Киргизстаны Орозбек Аширов нар шалгарчээ.
Улсын заан Д.Анарын хүртсэн энэхүү алтан медаль Монголын багийн хувьд тус наадмын түүхэнд авсан тав дахь медаль болж бүртгэгдэж байна. Мөн үндэсний бөхийн төрөл анх удаа наадмын хөтөлбөрт орсон жил Монголын бөх түрүүлсэн нь онцлох амжилт боллоо.
