2025 оны эхний есөн сарын байдлаар улсын хэмжээнд 376 удаагийн мал хулгайлах гэмт хэрэг бүртгэгдсэн нь өнгөрсөн оны мөн үетэй харьцуулахад 19.4 хувиар өссөн үзүүлэлт болж байна.
Иймээс Цагдаагийн байгууллагаас “Мал, мах–2025” нэртэй арга хэмжээг эхлүүлж, гарал үүсэл тодорхойгүй мал, махны тээвэрлэлтийг шалгах, хяналтын цэгүүд байрлуулах, зах, худалдааны төвүүдэд хяналт тавих ажлыг эрчимжүүлээд байна.
Энэ онд бүртгэгдсэн нийт малын хулгайн хэргийн 187-ыг илрүүлж, мөрдөн шалгах ажиллагаа үргэлжилж байгаа юм. Харин өнгөрсөн онд Эрүүгийн цагдаагийн албаны Хулгайлах гэмт хэрэгтэй тэмцэх хэлтсийн Мал хулгайлах гэмт хэрэгтэй тэмцэх тасаг нь Хэнтий, Дорнод, Сүхбаатар аймгийн цагдаагийн газруудтай хамтран 6 бүлгийн 17 этгээдийг илрүүлж, нийт 26 удаагийн үйлдлээр 284 бод, 278 бог мал хулгайлсан хэргийг мөрдөн шалгасан байна.
Мал хулгайлдаг этгээдүүдийн ихэнх нь 18–55 насны, ажилгүй эсвэл туслах малчин, түр хугацааны ашиг олох зорилгоор бүлэглэн зохион байгуулалттайгаар уг гэмт хэргийг үйлддэг болохыг цагдаагийн байгууллага мэдээлэв.
Харамсалтай мэдээ байна, энэ асуудлыг анхаарах хэрэгтэй
Хөдөө орон нутгийн хамгаалалт, хяналтыг сайжруулах шаардлагатай байна