BLACKPINK хамтлагийн Лиса саяхан нэгэн подкастад оролцох үеэр болзож байсан эрийнхээ үйлдлийг харилцааны “анхаарах дохио” гэж хүлээж авсан тухайгаа ярьжээ.
Тэрээр ээж болон дотнын найзынхаа хамт хамгийн дуртай сушины ресторанаар үйлчлүүлсэн үеийн нэгэн явдлыг дурссан байна.
Хооллож дууссаны дараа төлбөр хийх болоход Лиса өөрийг нь эргүүлж байсан залуу руу утасдаж, тоглоомоор:
“Чи энэ төлбөрийг хийх үү?”
гэж асуужээ.
Харин нөгөө хүн:
“Ха, үгүй.”
гэж хариулсан байна.
Лиса эхэндээ түүнийг тоглож байна, дараа нь нууцаар төлбөрийг нь хийчих байх гэж бодсон ч эцэст нь бүх тооцоог өөрөө төлжээ.
Лиса: Мөнгө биш, хандлага нь чухал байсан
Лиса уг явдалд мөнгөний асуудал гол байгаагүй гэдгийг онцолсон байна.
Тэрээр өөрт нь хэн нэгний санхүүгийн дэмжлэг шаардлагагүй, мөн хамт явсан хүн болгоноос бүх төлбөрийг даахыг хүлээдэггүй гэдгээ тайлбарлажээ.
Харин болзож, харилцаа эхлүүлэх шатанд хүн жижиг зүйлээр ч гэсэн санаачилга гаргаж, анхаарал халамж үзүүлэх нь чухал гэж үздэг аж.
Түүний хувьд тухайн нөхцөл байдал нөгөө хүн харилцаанд хэр зэрэг ач холбогдол өгч байгааг харуулсан мэт санагдсан бөгөөд шууд татгалзсан хариулт нь сэтгэл дундуур үлдээжээ.
Цахим хэрэглэгчдийн байр суурь хуваагдав
Лисагийн яриа олон нийтэд хүрсний дараа хэрэглэгчдийн байр суурь хоёр хуваагдсан байна.
Зарим хүн болзож буй үед, ялангуяа эмэгтэйн ээж болон дотнын найзтай нь хамт хооллож байгаа тохиолдолд төлбөр хийх санал гаргах нь энгийн хүндлэл гэж үзжээ.
Тэд:
“Тэр залуу үнэхээр хачин юм.”
“Лиса харилцаагаа дуусгасан нь зөв.”
гэх мэт сэтгэгдэл үлдээсэн байна.
Харин нөгөө хэсэг нь төлбөрөө хувааж хийх эсэх нь хувь хүний сонголт бөгөөд ганц удаагийн хоолны төлбөрөөр хүнийг бүхэлд нь дүгнэх нь зохисгүй гэж үзжээ. Зарим нь үүнийг хэт ёс суртахууны дарамт болгон харах хэрэггүй гэсэн байр суурь илэрхийлсэн байна.
Лиса соло уран бүтээлдээ төвлөрч байна
Лисагийн жинхэнэ нэрийг Лалиса Манобал гэдэг. Тэр BLACKPINK-ийн цорын ганц солонгос бус гишүүн бөгөөд Тайландад төрж өссөн.
Эх сурвалжийн мэдээлснээр түүний Instagram хуудас 106 сая, TikTok хуудас 23.7 сая дагагчтай байна.
2026 оны эхнээс Лиса соло уран бүтээлдээ түлхүү анхаарч, Met Gala-д оролцох, олон улсын загварын арга хэмжээнүүдэд зочлох, хувийн төслүүдээ сурталчлах зэрэг ажлуудад төвлөрчээ.
Мөн оны сүүлээр Лас Вегаст “Viva La Lisa” нэртэй цуврал шоу зохион байгуулахаа зарласнаар дахин анхаарал татсан байна.
Фредерик Арнотой холбоотой цуурхал үргэлжилсээр байна
Лисаг LVMH группийн эзэнт гүрний гурав дахь хүү, тэрбумтан бизнесмэн Фредерик Арнотой ойролцоогоор хоёр жил үерхсэн гэж хэвлэлүүд мэдээлж байсан.
Сүүлийн үед тэд салсан гэх мэдээлэл гарсан бөгөөд HK01-ийн мэдээлснээр Фредерик Арно Лисаг сошиал сүлжээнд дагахаа больж, нийтлэлүүдэд нь лайк дарахаа зогсоосон гэх ажиглалт гарчээ.
Гэхдээ Лиса болон Фредерик Арно нар харилцааныхаа талаар албан ёсоор баталсан эсвэл салсан тухай мэдэгдэл хийгээгүй байна.
Үүний зэрэгцээ Лисаг Тайландын жүжигчин Блю Понтиват Тангванчароэнтэй болзож байгаа гэх шинэ цуурхал тархсан ч энэ мэдээлэл мөн албан ёсоор батлагдаагүй хэвээр байна.
