Америкийн жүжигчин Патрик Малдун 57 насандаа таалал төгсжээ. Энэ тухай “Deadline” портал мэдээлсэн байна. Мэдээлэлд дурдсанаар, түүний үхлийн шалтгаан нь зүрхний шигдээс байжээ.
Патрик Малдун 1968 оны 9 дүгээр сарын 27-нд Лос-Анжелес хотод мэндэлсэн юм. Тэрээр Өмнөд Калифорнийн их сургуулийг төгсөж, кино урлагийн карьераа эхлүүлсэн түүхтэй. Түүнийг “Бидний амьдралын өдрүүд” (Days of Our Lives) олон ангит киноны дүр нь анх олны танил болгосон.
Харин 1997 онд дэлгэцнээ гарсан “Одон орны цэргүүд” (Starship Troopers) хэмээх зөгнөлт тулаант кинонд дэслэгч Зандер Баркалоугийн дүрийг бүтээсэн нь түүний карьерт томоохон тэсрэлт болсон юм. Уг кино нь үзэгчдийн дунд маш их нэр хүндтэй болж, түүний уран бүтээлийн түүхэнд чухал байр суурь эзлэх болсон билээ.
Жүжигчин Патрик Малдун карьерынхаа туршид драм, романс, зөгнөлт болон тулаант төрлийн 50 гаруй кино төсөлд дүр бүтээж амжжээ.
