Дуучин АйЮ болон ILLIT хамтлагийн Вонхи нарын хамтарсан богино бүжгийн бичлэг цахим орчинд маш хурдтай тархаж, нийтлэгдсэнээсээ хойш ердөө 18 орчим цагийн дотор 1.4 сая гаруй үзэлт авчээ.
ILLIT-ийн албан ёсны сошиал хуудсанд аравдугаар сарын 27-нд “#You’reUnderArrest with IU” гэсэн тайлбартай бичлэг нийтлэгдсэн байна. Тус challenge-д АйЮ хамтлагийн шинэ дуу болох “You’re Under Arrest”-ын бүжгийг Вонхитой хамт хийжээ.
АйЮ цайвар цэнхэр судалтай цамц, сул загварын өмд, цэнхэр өнгийн пүүзтэй энгийн төрхөөр бичлэгт оролцсон байна. Тэрээр дууны гол хөдөлгөөнүүд болох шүгэл үлээх, гараараа бууны дүрс үүсгэх хэсгийг чөлөөтэй гүйцэтгэж, богино хугацааны бичлэгт өөрийн онцлог нүүрний хувирал, тайван хөдөлгөөнөө харуулжээ.
Гэхдээ фэнүүдийн анхаарлыг зөвхөн бүжиг бус, АйЮ болон Вонхи нарын хамтдаа харагдах төрх илүү татсан байна.
1993 онд төрсөн АйЮ, 2007 онд төрсөн Вонхи хоёр 14 насны зөрүүтэй ч бичлэг дээр эгч дүүс шиг харагдаж байна гэсэн сэтгэгдэл олон нийтэд тархжээ. Challenge-ийн төгсгөлд тэд гараараа хамтдаа зүрхний дүрс үүсгэн инээмсэглэсэн нь фэнүүдийн хамгийн их онцолсон хэсгүүдийн нэг болсон байна.
Вонхи: “Үнэхээр зүүд шиг санагдсан”
АйЮ-гийн фэн гэдгээрээ танигдсан Вонхи энэ уулзалтад маш их баярласнаа дараа нь Weverse-д хуваалцжээ.
Тэрээр:
“АйЮ сонбэнимтэй challenge хийчихлээㅠㅠ”
хэмээн бичсэн байна.
Мөн АйЮ-гийн талаар:
“Тэр үнэхээр хөөрхөн, бас үзэсгэлэнтэй байсан. Миний хамгийн дуртай цомгуудын нэг болох Palette дээр гарын үсэг хүртэл авсан. Үнэхээр зүүд шиг санагдсан”
гэжээ.
Вонхигийн хувьд өөрийн биширдэг ахмад уран бүтээлчтэй хамт challenge хийхээс гадна дуртай “Palette” цомог дээрээ гарын үсэг авсан нь энэ уулзалтыг бүр ч онцгой болгосон байна.
ILLIT-ийн албан ёсны YouTube сувагт мөн байршуулсан уг бичлэг аравдугаар сарын 28-ны 16:00 цагийн байдлаар 1.4 сая гаруй үзэлт цуглуулжээ. Энэ үед бичлэг нийтлэгдээд ойролцоогоор 18 цаг л өнгөрсөн байв.
АйЮ бусад уран бүтээлчдийн dance challenge-д байнга оролцдоггүй учраас ILLIT-ийн шинэ дууг дэмжин хамтарсан нь бичлэг богино хугацаанд олны анхаарлыг татах нэг шалтгаан болсон байна.
Цахим хэрэглэгчид “Хоёрыг эгч дүүс шиг харагдаж байна”, “АйЮ үнэхээр залуухан харагдаж байна”, “Ижилхэн зөөлөн төрхтэй юм”, “АйЮ, Вонхи хоёрыг нэг бичлэгээс харна гэж төсөөлөөгүй” гэх мэт сэтгэгдэл үлдээжээ.
АйЮ одоогоор дуучин болон жүжигчний уран бүтээлээ зэрэг үргэлжлүүлж байгаа бол Вонхи ILLIT хамтлагийнхаа хамтаар “You’re Under Arrest” шинэ дууны үйл ажиллагаанд оролцож байна.
