Монголын шавар урлагийн уран барималч Наранхүүгийн Сухбүрэн ЮНЕСКО-ийн харьяа Дүрслэх урлагийн олон улсын холбоо (IAA/AIAP)-ны гишүүнээр элсэв.
Энэ гишүүнчлэл нь түүний уран бүтээлийг өндөр түвшинд үнэлж буй олон улсын хүлээн зөвшөөрөл бөгөөд Монголын соёл, урлагийн нэр хүндийг дэлхий дахинд бэхжүүлэх чухал үйл явдал боллоо.
Сухбүрэнгийн бүтээлүүдэд хүний оршихуйн мөн чанар орчин үеийн урлагийн чиг хандлагатай хослон, шавар урлагийг шинэ түвшинд хүргэдэг.
Намтар, амжилт
- 2005 онд Дүрслэх урлагийн дээд сургуулийг “керамик” мэргэжлээр төгссөн.
- 2013 онд БНСУ-ын Сөүл хотын Мёнджи их сургуульд суралцсан.
- Монгол Улсын “Соёлын тэргүүний ажилтан” цол хүртсэн.
- Монголын Урчуудын эвлэлийн шагналын эзэн.
- 2023 онд түүний “Инээмсэглэсэн хайр” бүтээл нь оны шилдэг гурван бүтээлийн нэгээр шалгарсан.
