Монгол үндэсний дээл хувцсыг сурталчилж, олон нийтэд түгээн дэлгэрүүлэх зорилготой “Дээлтэй Монгол” наадам энэ сарын 8-ны өдөр Улаанбаатар хотын төв талбайд буюу Д.Сүхбаатарын талбайд зохион байгуулагдах гэж байна.
Энэ жилийн наадам нь 19 дэх удаагаа болж байгаагаараа онцлог бөгөөд нийслэлийн Засаг даргын Тамгын газар, Аялал жуулчлалын газар, Соёл, спорт, аялал жуулчлал, залуучуудын яам, Улсын хүүхэд залуучуудын театр, Монголын аялал жуулчлалын холбоо, “Монгол костюмс” төв зэрэг олон байгууллага хамтран зохион байгуулж буй.
Онцлох үйл ажиллагаанууд:
- Шилдгүүдийг шалгаруулна:
Наадмын үеэр шилдэг дүүрэг, аж ахуйн нэгж, үндэсний хувцас урлаач, үндэсний хувцастай гадаадын оролцогчийг тодруулна. - Гэр бүл, хүүхэд, оролцогчийн шилдэг хувцаслалт:
Хамгийн гоёмсог дээлтэй гэр бүл, хүүхэд, хувь оролцогчдод шагнал, урамшуулал олгоно. - Загварын тайз ба тоглолт:
Үндэсний хувцасны загварын шоу, үндэсний тоглоом, гар урлалын үзэсгэлэн худалдаа зохион байгуулагдана. - Хүүхэд, залуучуудад зориулсан орчин үеийн тоглолт:
Үндэсний соёлын хөтөлбөрөөс гадна поп, хип хоп, залуучуудад чиглэсэн хамтлаг дуучдын тайлан тоглолт ч мөн багтсан.
Энэхүү наадам нь үндэсний хувцас, өв соёлыг түгээн дэлгэрүүлэх, аялал жуулчлалд хувь нэмэр оруулахын зэрэгцээ, нийслэлийн иргэдийн оролцоог өргөжүүлж, соёлын өвийг хойч үед өвлүүлэх чухал ач холбогдолтой арга хэмжээ юм.
