Поп ертөнцийн шүтээн Харри Стайлс болон чадварлаг жүжигчин Зои Кравиц нарын харилцаа шинэ шатанд гарч, сүй тавьсан тухай мэдээлэл дэлхий нийтийн анхаарлын төвд орлоо. “Page Six” сайтад мэдээлснээр тэдний нэгэн ойрын эх сурвалж “Тэр хоёрын харилцаа дараагийн шатанд хүрсэн” хэмээн өгүүлсэн нь энэхүү таамгийг улам баталгаажуулж байна. Зои Кравиц сүүлийн үед ядам хуруундаа гялалзсан том бөгж зүүж харагдах болсон нь шүтэн бишрэгчдийнх нь дунд томоохон хүлээлт үүсгээд байгаа юм.
Хосуудын дурлалын түүх 2025 оны 8-р сард Ром хотноо хамт харагдсанаар эхэлсэн бөгөөд үүнээс хойш Лондон хотод дотно харилцаатай байгаа нь ил тод болсон. 2026 оны эхэнд Зои өөрийн ойр дотнынхондоо Харриг “Заяаны хань” гэж нэрлэх болсон тухай сонирхолтой мэдээлэл ч хэвлэлүүдээр цацагдсан. Тэд “Saturday Night Live” нэвтрүүлгийн дараах үдэшлэгт гар гараасаа хөтлөлцөн ирж, Бруклин орчимд хамт зугаалж байхдаа цөөн хэдэн удаа папарацциудын дуранд өртөж байжээ.
Тэдний өмнөх амьдралын түүхийг эргэн санавал:
- Зои Кравиц: Жүжигчин Карл Гусмантай 2019–2020 онд гэрлэж байсан бол дараа нь Чаннинг Татумтай сүй тавьж, улмаар 2024 онд салсан.
- Харри Стайлс: Тэрбээр өмнө нь Оливия Уаильд, Кендалл Женнер болон Тэйлор Свифт зэрэг алдартай бүсгүйчүүдтэй нэр холбогдож байв.
Хэдийгээр хоёр талын хэвлэлийн төлөөлөгчид сүй тавьсан тухай албан ёсны мэдэгдэл одоогоор хийгээгүй байгаа ч тэдний хүрээллийнхэн энэ мэдээллийг үнэн байх магадлал өндөр гэж үзэж байна. Хосууд харилцаагаа ихэд нууцалж байгаа хэдий ч Зоигийн зүүсэн бөгж болон эх сурвалжуудын мэдээлэл тэднийг удахгүй хуримаа хийх нь гэх таамгийг төрүүлж байна.
