Нийслэлийн ерөнхий боловсролын 166 дугаар сургууль Кембрижийн олон улсын хөтөлбөр хэрэгжүүлэх гэрчилгээ авчээ. Ингэснээр Сүхбаатар дүүргийн 600 гаруй хүүхэд монгол, англи хэлээр хосолсон сургалтын орчинд суралцах боломж бүрдэж байна.
Тус сургууль Кембрижийн олон улсын хөтөлбөр хэрэгжүүлж буй зургаа дахь сургууль болжээ.
151 дүгээр сургуулийн туршлагыг үргэлжлүүлж байна
Монгол Улсын Ерөнхий сайд Н.Учрал 2023 онд Сонгинохайрхан дүүргийн 151 дүгээр сургуульд Кембрижийн хөтөлбөр хэрэгжүүлэх санаачилга гаргасан бөгөөд энэ хичээлийн жилээс 166 дугаар сургууль уг хөтөлбөрийг нэвтрүүлж эхэлж байна.
Кембрижийн гэрчилгээ гардуулах үйл ажиллагаанд Ерөнхий сайд Н.Учрал, Их Британи, Умард Ирландын Нэгдсэн Хаант Улсаас Монгол Улсад суух Онц бөгөөд Бүрэн эрхт Элчин сайд Эдвин Самуэл нар оролцжээ.
Олон улсын хөтөлбөртэй 12 ахлах сургууль байгуулахаар төлөвлөжээ
Ерөнхий сайд Н.Учрал хүүхэд бүрд чанартай боловсрол эзэмших тэгш боломж олгох нь Засгийн газрын боловсролын бодлогын чухал зорилт гэдгийг онцолсон байна.
Түүний мэдээлснээр, Засгийн газар зургаан бүс болон нийслэлийн зургаан дүүрэгт олон улсын хөтөлбөртэй нийт 12 ахлах сургууль байгуулахаар төлөвлөж, шаардлагатай санхүүжилтийг 2027 оны улсын төсвийн төсөлд тусгаад байгаа аж.
