Монгол Улсыг зорин ирэх гадаад жуулчдын урсгал тогтмол нэмэгдэж, аялал жуулчлалын салбарын өсөлт идэвхтэй үргэлжилж байна. Албан ёсны статистик мэдээллээр 2026 оны эхний найман сарын хугацаанд манай улсад нийт 705,098 жуулчин хүрэлцэн ирсэн нь өмнөх оны мөн үеэс 106,896 иргэнээр буюу 17.9 хувиар өссөн үзүүлэлт болов.
Гарал үүслийн орнуудын үзүүлэлт ба ДАЖБ-ын үнэлгээ
Гадаадын жуулчдыг ирсэн улс орноор нь авч үзвэл:
- ОХУ: 239,134 жуулчин
- БНХАУ: 171,497 жуулчин
- БНСУ: 128,589 жуулчин
- Япон Улс: 30,417 жуулчин
- Казахстан Улс: 16,870 жуулчин
Салбарын тоон өсөлтөөс гадна олон улсын тавцанд Монгол Улсын аялал жуулчлалын зах зээлийн үнэлгээ дээшилж байна. Дэлхийн аялал жуулчлалын байгууллагаас гаргасан 2026 оны эхний хагас жилийн тайлангаар манай улс аялал жуулчлалын зарцуулалтын өсөлтийн үзүүлэлтээр 29 хувийн өсөлттэйгээр дэлхийд хоёрдугаар байрт эрэмбэлэгдээд байна.
