Казакстан улсад зохион байгуулагдсан “Silk Way Star” олон улсын дууны уралдаанд Монголын дуучин И.Мишээл амжилттай өрсөлдөж, тэргүүн байрыг хүртэжээ. Тэрбээр 10 орны шүүгчдээс бүгдээс нь дээд оноо авч, үзэгчдийн санал асуулгаар ч илт давуу байсан байна.
И.Мишээл өөрийн зохиосон “Монгол” нэртэй дуугаа дуулж, эх орноо алдаршуулсан нь шүүгч, үзэгчдийн талархлыг хүлээжээ. Астана хотод болсон уг тэмцээнд 12 улсын шилдэг дуучид хүч үзсэн бөгөөд И.Мишээл эхний шатаас л бүгдийн анхаарлыг татсан байна.
И.Мишээлийн шат бүрийн амжилт:
- Эхний шат: “Бундан улаан” дуугаараа өндөр үнэлгээ авсан.
- Хоёрдугаар шат: Казахстаны Аяугийн “Сыбырлайн” хит дууг амилуулж, дараагийн шатанд шалгарсан.
- Дөрөвдүгээр шат: Хятад дуу дуулж 120 оноо авсан.
- Тавдугаар шат: Нийлбэр дүнгээр Казахстаны оролцогчтой хамт тэргүүлэгчдийн эгнээнд багтсан.
- Зургаадугаар шат: “Blackpink”-ийн Lisa, Doja Cat, Raye нарын “Born Again” дууг амьдаар дуулж, 690 оноогоор гуравт жагссан.
- Долдугаар шат: Казахстаны сонгодог дуунд монгол уртын дууны элемент хослуулж, дээд оноо авсан.
- Финал: Өөрийн “Монгол” дуугаа дуулж, тэргүүн байрыг эзэлсэн.
