Хан-Уул дүүргийн 15-р хорооны нутагт энэ оны арваннэгдүгээр сарын 6-ны өдрийн 04:00 цагийн үед “зам дээр ажиллаж байсан хүн автомашинд мөргүүлээд, осол гаргасан жолооч зугтсан” гэх мэдээлэл цагдаагийн байгууллагад ирсэн байна.
Дуудлагын дагуу алба хаагчид хэргийн газарт ажиллахад зам тээврийн ослын улмаас нэг иргэн амиа алдсан нь тогтоогджээ. Ослыг үйлдсэн автомашины жолооч ослын дараа оргон зайлсан бөгөөд цагдаагийн байгууллага шуурхай арга хэмжээ авч, 19 настай А. нэртэй этгээдийг илрүүлэн олж, мөрдөн шалгах ажиллагааг үргэлжлүүлж байна.
