Хөвсгөл аймгийн Тариалан суманд алга болсон хоёр настай хүүг эрэн хайх ажиллагаа есөн өдөр үргэлжилсний эцэст дөнгөж сая цогцсыг нь оллоо. Хүүгийн шарилыг анх алга болсон газраас 3–4 км зайд бүрэн бүтэн байдлаар илрүүлсэн тухай цагдаагийн байгууллагаас мэдээлэв.
Цагдаагийн ерөнхий газраас энэ талаар тодруулахад: “Хүүгийн цогцсыг олсон нь үнэн” хэмээн мэдээлэл өгчээ. Одоогоор уг хэрэгт холбогдуулан мөрдөн шалгах ажиллагаа эхэлсэн байна.
