2025 оны 9-р сарын 1-нээс эхлэн 10 ба түүнээс дээш жил тасралтгүй мал малласан малчны нэг хүүхдийг төрийн өмчийн их сургуульд үнэ төлбөргүй сурчихах хуулийн заалт хэрэгжиж эхэлнэ. Уг заалтыг Малчны тухай хуулийн 4.2.5-д тусгасан бөгөөд “10-аас доошгүй жил тасралтгүй малчнаар ажилласан малчны нэг хүүхдийг мал аж ахуй, бэлчээр, тэжээлийн чиглэлээр үнэ төлбөргүй сургана” хэмээн заасан байна.
Хуулийн хэрэгжилт ба судалгаа
Энэхүү хуулийн хэрэгжилт ирэх сараас эхэлнэ. Одоогоор Боловсролын яамнаас улсын хэмжээнд хэчнээн малчны хүүхэд уг хөтөлбөрт хамрагдах боломжтойг тодорхойлох судалгаа хийж байна. Санхүүжилтийг Боловсролын зээлийн сангаас хангах тул санхүүгийн асуудал үүсэхгүй гэж албаныхан мэдээлжээ.
Хөтөлбөрийн хамрах хүрээ
Энэ хөтөлбөрийн хүрээнд Хөдөө аж ахуйн их сургуульд малчны хүүхдүүд үнэ төлбөргүй суралцах боломжтой болно. Энэ нь мал аж ахуй, бэлчээр, тэжээлийн чиглэлээр мэргэшсэн боловсон хүчин бэлтгэхэд чиглэж байна.
Малчдын удаан хүлээсэн амлалт
УИХ-ын гишүүдийн тойрогт ажиллахдаа малчид удаа дараа хүүхдээ төрийн өмчийн их сургуульд үнэ төлбөргүй сурчихах боломж олгох талаар гомдол, санал ирүүлж байсан. Энэхүү хуулийн хэрэгжилтээр малчдын энэ хүсэл 2025 оны намраас биелэлээ олох гэж байна.
