Цаг уур, орчны шинжилгээний газраас 2025 оны зуны саруудын агаарын температур болон хур тунадасны ерөнхий төлөвийг танилцууллаа. Ирэх саруудад нийт нутгаар харьцангуй дулаан, төв болон говийн бүсэд бороо хур багатай бус, ахиу орох хандлагатай байгаа тул иргэдийг үер усны аюулаас сэрэмжтэй байхыг анхааруулж байна.
Ерөнхий төлөв:
- Агаарын температур: 7, 8-р саруудад нийт нутгаар олон жилийн дунджаас дулаан байх төлөвтэй.
- Хур тунадас:
- Баруун бүсийн аймгууд: дунджаас бага, хуурай байна.
- Төв болон говийн аймгууд: дунджаас ахиу бороо орох төлөвтэй.
- Есдүгээр сар: Температур, хур тунадас дунджийн орчим байна.
Сар бүрийн төлөв:
7-р сар:
- Температур: Нийт нутгаар олон жилийн дунджаас дулаан байна.
- Хур тунадас:
- Олон жилийн дунджаас бага: Баян-Өлгий, Ховд, Увс, Говь-Алтайн баруун хэсэг.
- Ахисан хур тунадас: Өмнөговь, Өвөрхангай, Дундговь, Баянхонгорын зүүн хэсэг, Төвийн өмнөд хэсэг, Дорноговийн ихэнх нутаг.
- Бусад нутгаар дунджийн орчим.
8-р сар:
- Температур: Нийт нутгаар дулаан хэвээр.
- Хур тунадас: Тодорхой бүс нутгаар ахиу бороо үргэлжилнэ.
9-р сар:
- Температур, хур тунадас: Улсын хэмжээнд дунджийн орчим байх төлөвтэй.
Анхааруулга:
Говь болон төвийн бүс нутгаар ахиу хур тунадас орох төлөвтэй байгаа тул гэнэтийн үер, усны түвшин огцом нэмэгдэх зэрэг эрсдэлээс урьдчилан сэргийлж, анхаарал болгоомжтой байхыг Цаг уурын байгууллагаас зөвлөж байна.
