Монгол Улсын 34 дэх Ерөнхий сайдаар томилогдсон Гомбожавын Занданшатар өнөөдөр үдээс хойш өөрийн тэргүүлэх Засгийн газрын бүтцийн тухай хуулийг өргөн барьж, УИХ-аар хэлэлцүүлэх бөгөөд сайд нараа томилохоор ажиллаж байна.
Одоогоор түүнд ойрын эх сурвалжуудын мэдээлснээр Л.Оюун-Эрдэнийн тэргүүлж байсан Засгийн газрын бүтцийг үндсэнд нь хэвээр хадгалж, бүрэлдэхүүнд нь зарим өөрчлөлт оруулах чиг баримжаатай байгаа аж.
Засгийн газрын бүтэц (батлагдсан хуулийн дагуу):
Ерөнхий чиг үүргийн 4 яам:
- Эдийн засаг, хөгжлийн яам
- Гадаад харилцааны яам
- Сангийн яам
- Хууль зүй, дотоод хэргийн яам
Чиглэлийн 12 яам:
- Аж үйлдвэр, эрдэс баялгийн яам
- Батлан хамгаалах яам
- Байгаль орчин, уур амьсгалын өөрчлөлтийн яам
- Боловсролын яам
- Гэр бүл, хөдөлмөр, нийгмийн хамгааллын яам
- Зам, тээврийн яам
- Соёл, спорт, аялал жуулчлал, залуучуудын яам
- Хот байгуулалт, барилга, орон сууцжуулалтын яам
- Хүнс, хөдөө аж ахуй, хөнгөн үйлдвэрийн яам
- Цахим хөгжил, инновац, харилцаа холбооны яам
- Эрчим хүчний яам
- Эрүүл мэндийн яам
Засгийн газрын бүрэлдэхүүн:
Л.Оюун-Эрдэнийн боловсруулж батлуулсан Засгийн газрын бүрэлдэхүүний тухай хууль ёсоор нийт 23 сайдын бүрэлдэхүүнтэй бөгөөд тэдгээрийн дотор Ерөнхий сайд, гурван шадар сайд, гурван Үндэсний хорооны даргын эрх бүхий сайд багтсан.
- Монгол Улсын Ерөнхий сайд
- Тэргүүн шадар сайд бөгөөд Эдийн засаг, хөгжлийн сайд
- Шадар сайд (хоёр хүн)
- Засгийн газрын Хэрэг эрхлэх газрын дарга
- Хяналт, үнэлгээний Үндэсний хорооны дарга
- Боомтын сэргэлтийн Үндэсний хорооны дарга
- 20 минутын хот Үндэсний хорооны дарга
- Гадаад харилцааны сайд
- Сангийн сайд
- Хууль зүй, дотоод хэргийн сайд
- Аж үйлдвэр, эрдэс баялгийн сайд
- Батлан хамгаалахын сайд
- Байгаль орчин, уур амьсгалын өөрчлөлтийн сайд
- Боловсролын сайд
- Гэр бүл, хөдөлмөр, нийгмийн хамгааллын сайд
- Зам, тээврийн сайд
- Соёл, спорт, аялал жуулчлал, залуучуудын сайд
- Хот байгуулалт, барилга, орон сууцжуулалтын сайд
- Хүнс, хөдөө аж ахуй, хөнгөн үйлдвэрийн сайд
- Цахим хөгжил, инновац, харилцаа холбооны сайд
- Эрчим хүчний сайд
- Эрүүл мэндийн сайд
Шинээр байгуулагдах Засгийн газар нь дээрх бүтцийг хэрхэн хадгалах, ямар өөрчлөлт оруулах нь УИХ-ын дараагийн хэлэлцүүлгийн дараа тодорхой болох юм.
