Филиппин улсын Давао хотноо наймдугаар сарын 29, 30-ны өдрүүдэд зохион байгуулагдсан каратэгийн Олон улсын тэмцээнээс Монгол Улсын өсвөрийн тамирчид нийт 20 медаль хүртэж, багийн дүнгээр нэгдүгээр байранд жагслаа. Ази тивийн орнуудаас 400 гаруй тамирчин оролцсон тус тэмцээнд манай улсаас “JKA Mongolia”-ийн 10 тамирчин оролцож 9 алт, 8 мөнгө, 3 хүрэл медаль хүртсэн өндөр амжилттайгаар эх орондоо ирж байна. Багийн дасгалжуулагчаар Жиованни Вирарди болон Э.Гэрэлтунгалаг нар ажиллажээ.
Тамирчдын хувийн амжилт ба ангилал
Манай өсвөрийн каратэчид ката болон кумитэ гэсэн хоёр төрөлд техникийн болон тулааны өндөр түвшний бэлтгэлтэй оролцож, жигд амжилт үзүүллээ.
Анхлан шат:
- С.Цэцэнбилэг: Ката (Алт), Кумитэ (Алт)
- Э.Тод: Кумитэ (Алт), Ката (Мөнгө)
- Т.Мөнгөнзагас: Ката (Алт), Кумитэ (Хүрэл)
Дунд шат:
- У.Билгүүн: Ката (Алт), Кумитэ (Мөнгө)
- Э.Тэнгис: Ката (Мөнгө), Кумитэ (Мөнгө)
- Ө.Баттүшиг: Ката (Мөнгө), Кумитэ (Хүрэл)
Дунд ахисан шат:
- М.Сүндэръяа: Ката (Алт), Кумитэ (Мөнгө)
- М.Ананд: Ката (Алт), Кумитэ (Мөнгө)
Ахисан шат:
- Г.Ганболд: Ката (Алт), Кумитэ (Алт)
- У.Номун: Кумитэ (Мөнгө), Ката (Хүрэл)
Энэхүү амжилт нь Монгол Улсад каратэгийн спорт эрчимтэй хөгжиж, олон улсын тавцанд амжилттай өрсөлдөх чадвартай шинэ үеийн тамирчид бэлтгэгдэн гарч байгааг бэлхнээ харуулж байна.
