2025 оны 4 дүгээр сарын 21-нд Пап Францис таалал төгссөнтэй холбоотойгоор дэлхий дахины анхаарал Ватиканд төвлөрч байна. Энэ үйл явдал нь Католик шашны гүн уламжлал, ёслол хэдий ч олон нийтийн сонирхлыг ихээр татаад байгаа юм. Үүнтэй зэрэгцэн олон улсын бооцооны компаниуд дараагийн Пап лам хэн болох талаар бооцоо авч эхэлжээ.
Шинжээчдийн үзэж байгаагаар магадлал өндөртэй нэр дэвшигчид:
- Пьетро Паролин (Итали) — Ватиканы Төрийн нарийн бичгийн дарга бөгөөд дипломат чиглэлээр арвин туршлагатай. Түүнийг Пап Францисийн эхлүүлсэн бодлогыг үргэлжлүүлж чадах, эвлэрүүлэн зохицуулагч, тогтвортой удирдагч гэж шинжээчид үзэж байна.
- Луис Антонио Тагле (Филиппин) — Өндөр боловсролтой, реформч үзэлтэй кардинал. Тэрээр Пап Францистай ойр ажиллаж ирсэн бөгөөд сонгогдвол Азийн Католик сүмийн хөгжил, шинэчлэлийн бэлгэ тэмдэг болох магадлалтай.
- Петер Эрдо (Унгар) — Теологийн гүн мэдлэгтэй, уламжлалт үзэл баримтлалтай кардинал. Түүнийг консерватив чиглэлийн төлөөлөгчдийг нэгтгэх чадвартай хүн гэж үнэлдэг.
- Питер Тарксон (Гана) — Нийгмийн шударга ёс, ядуурал, уур амьсгалын өөрчлөлтийн асуудлаар идэвхтэй дуу хоолойгоороо танигдсан Африкийн кардинал. Түүнийг сонговол Африкийн Католик сүмийн нөлөө дэлхий дахинд эрс өсөх дохио болох юм.
- Маттео Дзуппи (Итали) — Болонь хотын архиепископ бөгөөд энхийн яриа хэлэлцээр, хүмүүнлэгийн үйл ажиллагаагаар нэрд гарсан. Түүнийг Пап Францисийн бодлого, үнэт зүйлсийн үргэлжлэл хэмээн үнэлж байна.
Бооцооны төлөв:
Их Британийн “William Hill”, АНУ-ын “Kalshi”, блокчейн платформ “Polymarket”, мөн түүнчлэн 1xBet зэрэг платформууд Паролин болон Тагле нарыг гол өрсөлдөгчөөр нэрлэж байна. Зарим тохиолдолд тэдний магадлал 36.4% хүрч байгаа бол өөр эх сурвалжууд Таглегийн талд санал өгчээ.
Сонгуулийн үйл явц:
Конклав буюу Пап лам сонгох хурал 5 сарын 6-11-ний хооронд явагдах төлөвтэй байна. Франциск Пап ламыг оршуулах ёслол 4 сарын 26-нд болох бөгөөд үүний дараа шинэ ламыг тодруулах конклав албан ёсоор эхэлнэ.
