АНУ-ын Конгрессын Төлөөлөгчдийн танхим тус улсын Ерөнхийлөгч Дональд Трампын Иран улсын эсрэг байлдааны ажиллагаа явуулах цэргийн эрх мэдлийг хязгаарлах тухай тогтоолыг баталлаа. Энэ талаар Reuters агентлаг мэдээлсэн байна.
“Танхимын гишүүдийн 215 нь ‘дэмжсэн’, 208 нь ‘татгалзсан’ санал өгсөн бөгөөд Бүгд найрамдах намын дөрвөн гишүүн Ардчилсан намынхантай санал нэгдэн уг тогтоолыг дэмжжээ” гэж тус агентлагийн мэдээлэлд дурджээ.
Тогтоолын шаардлага ба үр дагавар
Уг баримт бичигт хэрэв АНУ-ын Конгресс албан ёсоор дайн зарлаагүй, эсвэл цэргийн хүч хэрэглэх тусгай зөвшөөрөл олгоогүй тохиолдолд Ираны эсрэг явуулах цэргийн ажиллагаанд Америкийн зэвсэгт хүчнийг ашиглахаа зогсоохыг Дональд Трампаас шаардаж байгаа юм.
Энэ нь ийм төрлийн тогтоолын төслийг батлах гэсэн дөрөв дэх удаагийн оролдлого болж байна.
