Монгол бичгийн өв соёлыг түгээн дэлгэрүүлэх, ирээдүй хойч үедээ өвлүүлэх зорилготой “Монгол туургатны Миний Монгол Бичиг-2026” олон улсын уралдаан болох гэж байна. Энэ жилийн арга хэмжээ нь улсын хэмжээнд 10 дахь удаагаа зохион байгуулагдаж буй ой тохиож байгаагаараа онцлог бөгөөд 2026 оны дөрөвдүгээр сарын 25-26-ны өдрүүдэд товлогджээ.
Уралдааны зохион байгуулалтын талаарх дэлгэрэнгүй мэдээллийг хүргэж байна:
- Бичгийн төрлийн шалгаруулалт: 2026 оны дөрөвдүгээр сарын 25-26-ны өдрүүдэд Монголын Бурханы Шашинтны Их Сургуульд болно.
- Бүтээлийн үзэсгэлэн: Оролцогчдын шилдэг бүтээлүүдийг 2026.04.25-наас 05.02-ны хооронд Гандантэгчэнлин хийдийн Батцагаан дуганд дэлгэнэ.
Монголын Бурханы Шашинтны Төв болон Гандантэгчэнлин хийд хамтран зохион байгуулж буй уг арга хэмжээ нь сонирхсон хүн бүхэнд нээлттэй юм. Үндэсний бичгийн гайхамшгийг тольдох үзэсгэлэнг иргэд Батцагаан дуганд хүрэлцэн ирж үзэх боломжтойг зохион байгуулагчид онцоллоо.
