Боловсролын үнэлгээний төвөөс энэ оны өвлийн элсэлтийн шалгалтын хуваарийг танилцууллаа. Шалгалт арванхоёрдугаар сарын 4-ний өдөр 10:00 цагт монгол хэл бичгийн хичээлээр эхлэх бөгөөд тухайн өдөр түүх, англи хэлний шалгалтууд үргэлжилнэ.
Шалгалтын хуваарь дараах байдлаар явагдана:
- 12-р сарын 4: Монгол хэл бичиг, түүх, англи хэл
- 12-р сарын 5: Хими, газарзүй, нийгэм судлал
- 12-р сарын 6: Биологи, математик, орос хэл
- 12-р сарын 7: Физик, монгол хэл
Өвлийн элсэлтийн шалгалтад ерөнхий боловсролын сургуулийн ахлах ангийн сурагчид оролцох боломжтой. Мөн энэ оны зургаадугаар сар болон түүнээс өмнө төгссөн, их дээд сургуульд элсэх хүсэлтэй иргэд хамрагдаж болно.
Шалгалтад бүртгүүлэх хүсэлтэй иргэд eyes.eec.mn цахим хуудсаар арваннэгдүгээр сарын 14-ний 18:00 цаг хүртэл бүртгүүлэх шаардлагатай.
