CGTN сувгийн мэдээлснээр, удахгүй ашиглалтад орох гүүр нь албан ёсоор нээгдээгүй ч аль хэдийнээ хамгийн өндөр гүүрийн статустай болжээ.
Энэхүү дүүжин гүүрийг Хятадын баруун-өмнөд хэсэгт орших Гуйжоу мужийн Лючжи–Аньлон хурдны зам дээр байгуулсан. Тус гүүр нь Хуажянгийн Их хавцлын дээгүүр 625 метрийн өндөрт сүндэрлэж байна.
Гүүрний нийт урт 2.9 км бөгөөд гол нум нь 1.4 км хүрч, дэлхийн дээд амжилтыг тогтоосон. Барилгын гол хэсгийг 22,000 тонн жинтэй (хоёр Эйфелийн цамхагтай тэнцэхүйц) 93 ширхэг ган сегментээр хийжээ.
Гүүрийн бүтээн байгуулалт 2022 оны эхэнд эхэлсэн бөгөөд зөвхөн бүс нутгийн чухал тээврийн зангилаа төдийгүй жуулчдын сонирхлыг татах дурсгалт газар болохоор төлөвлөгдсөн.
Шинэ гүүрийн ачаар автомашины зорчигчдын аяллын хугацаа өмнөх хоёр цагаас ердөө хоёр минут болж багасна. Албан ёсны нээлт энэ сарын 9-р сарын 28-ны ням гаригт болно.
