Кофе бол сая сая хүний дуртай ундаа бөгөөд бидний өглөө ихэвчлэн кофены аяганаас эхэлдэг. Гэвч бүх төрлийн хүнсийг кофетой хослуулж болдоггүй гэдгийг тэр бүр мэддэггүй. Хоолны дараа кофе уух нь зарим эрдэс бодис, амин дэмийн шингэцэд сөргөөр нөлөөлдөг байна.
Кофены хамт юуг хэрэглэж болохгүй вэ, яагаад?
1. Кальци агуулсан бүтээгдэхүүн
Кофены найрлага дахь бодисууд кальцийн шингэцийг саатуулдаг. Ялангуяа ахмад настнууд сүүн бүтээгдэхүүнийг кофетой холихоос зайлсхийх хэрэгтэй.
- Үр дагавар: Аяга кофе тутамд 2-3 мг кальци биеэс гадагшилдаг (өдрийн норм 1000 мг).
- Зөвлөмж: Хэрэв та өглөөний цайндаа бяслаг, аарц идэхийг хүсвэл кофе уухаасаа өмнө эсвэл дараа нь дор хаяж нэг цаг хүлээгээрэй. Харин кафейнгүй кофе нь кальцийн шингэцэд нөлөөлдөггүй.
2. Цайр агуулсан хүнс
Цайр нь бие махбодид чухал үүрэгтэй боловч кофены дараа маш муу шингэдэг. Энэ нь ердийн болон кафейнгүй кофены алинд нь ч хамаатай.
Зайлсхийх хүнс: Улаан мах, шувууны мах, хясаа, шош, вандуй идсэний дараа шууд кофе уухгүй байх нь дээр.
3. Ургамлын гаралтай төмрийн эх үүсвэр
Энэ нь ялангуяа веган болон цагаан хоолтнуудад маш чухал. Ургамлын гаралтай бүтээгдэхүүнүүд нь “гемийн бус” төмөр агуулдаг.
- Яагаад: Кофенд агуулагдах полифенолууд нь төмөртэй нэгдэж, түүний шингэцийг бууруулдаг.
- Зайлсхийх хүнс: Вандуй, шош, сэвэг зарам, шар буурцагны бүтээгдэхүүн.
4. Амин дэм, витаминууд
Кафейн нь витамины шингэцэд сөргөөр нөлөөлдөг тул витамин, эрдэс бодис уухтай зэрэгцүүлэн кофе уухыг зөвлөдөггүй. Кофе болон витамин уух хооронд дор хаяж нэг цагийн зай байх шаардлагатай.
5. Согтууруулах ундаа
Алкоголийн дараа кофе уух нь хүнийг эрч хүчтэй болсон мэт хуурмаг мэдрэмж төрүүлдэг. Үүнээс болж хүн өөрийн согтолтын зэргийг дутуу үнэлж, эрсдэлд орох аюултай. Түүнчлэн кофе болон согтууруулах ундааны холимог нь элгийг хэт ачаалуулдаг.
