2026 он бол спортын хорхойтнуудын хувьд жинхэнэ “алтан” үе байх болно. Өвлийн олимп, хөлбөмбөгийн ДАШТ, Азийн наадам зэрэг дэлхийн хамгийн том баяр наадмууд нэг онд давхцаж буйгаараа онцлогтой. Ирэх нэг жилийн хугацаанд таны хуанлид заавал байх ёстой гол тэмцээнүүдийг тоймлон хүргэж байна.
Милан-Кортина 2026: Өвлийн Олимп ба Паралимп
Хэзээ: 2-р сарын 6–22 (Олимп) | 3-р сарын 6–15 (Паралимп)
25 дахь удаагийн өвлийн олимп Италийн хойд хэсэгт орших Милан болон Кортина хотуудад болно. Энэхүү наадам нь түүхэндээ хамгийн өргөн газар нутгийг хамран зохион байгуулагдаж буй олимп гэдгээрээ онцлог.
- Монгол Улсын оролцоо: Манай улсаас гүйлтийн цана болон уулын цанын төрөлд тамирчид эрхээ аваад байна.
- Бамбарын буухиа: Галт бамбар Италийн 110 хотоор 12,000 км аялан Миландаа ирнэ.
Хөлбөмбөгийн ДАШТ: Хойд Америкийн нүсэр наадам
Хэзээ: 6-р сарын 11 – 7-р сарын 19
АНУ, Мексик, Канад гэсэн гурван улсад зэрэг болох энэ удаагийн ДАШТ нь түүхэн дэх хамгийн том нь байх болно. Анх удаагаа 32 бус 48 шигшээ баг оролцож, Хойд Америкийн 16 өөр хотод тоглолтууд явагдана. Финал АНУ-ын Нью Жерсигийн “MetLife” цэнгэлдэхэд болно.
Цахим спорт ба Холимог тулаан
- Кёльн Мэйжор (CS2): 6-р сарын 2–11. Герман улсын Кёльн хотноо “Counter Strike-2” төрлийн оны эхний Мэйжор тэмцээн болно.
- UFC Цагаан ордонд: 6-р сарын 14. Түүхэнд анх удаа UFC-ийн тулаан АНУ-ын Цагаан ордонд болохоор товлогджээ. Дана Уайт болон Дональд Трамп нарын хамтын ажиллагааны үр дүнд энэхүү онцгой үйл явдал болох юм.
Сагсан бөмбөгийн ДАШТ ба Азийн наадам
- Эмэгтэйчүүдийн сагсан бөмбөгийн ДАШТ: 9-р сарын 4–13 (Берлин, Герман).
- Азийн наадам (Нагояа 2026): 9-р сарын 19 – 10-р сарын 4. Япон улсад болох энэхүү наадамд 46 улсын тамирчид 42 спортын төрлөөр өрсөлдөнө.
Залуучуудын зуны олимп: Дакар 2026
Хэзээ: 10-р сарын 31 – 11-р сарын 13
Олимпын наадам түүхэндээ анх удаа Африк тивд очих гэж байна. Сенегалын Дакар хотод дэлхийн шилдэг залуу тамирчид цугларч, 154 багц медалийн төлөө өрсөлдөнө.
