Казахстан Улсад зохион байгуулагдаж буй “Silk Way Star” олон улсын хөгжмийн шоу тэмцээнд Монгол Улсыг төлөөлөн оролцож буй И.Мишээл финалын шатанд шалгарлаа. Финалын шатны шалгаруулалт энэ сарын 22-ны бямба гарагт болох юм.
12 орны шилдэг дуучид өрсөлдөж байна
Тус шоу нь Евразийн бүсийн хамгийн нэр хүндтэй уралдаануудын нэг бөгөөд энэ удаагийн тэмцээнд 12 орны шилдэг уран бүтээлчид оролцож байгаа юм. Эхний шатанд оролцогчид өөрсдийн үндэсний дуугаар өрсөлдөхөд И.Мишээл “Бундан улаан” дууг дуулж, үзэгчид болон шүүгчдийн өндөр үнэлгээ авчээ.
Финалд өрсөлдөх онцгой сорилт
Финалын шатанд үлдсэн оролцогчид өөрсдийн зохиосон шинэ дуугаар өрсөлдөх бөгөөд Монголын төлөөлөл И.Мишээл өөрийн уран бүтээл, дуу хоолойгоор дахин дэлхийд танигдах боломжтой боллоо.
