Өчигдөр Монголын Эрүүл мэндийн ажилтны үйлдвэрчний эвлэлийн холбооны гүйцэтгэх зөвлөлийн 13 дугаар ээлжит бус хурал болж, цалин нэмэх асуудлыг хэлэлцжээ.
Хурлын үеэр эмч, эмнэлгийн ажилтнуудын үндсэн цалинг 3.5 сая төгрөгт хүргэх шаардлагын хэрэгжилт хангалтгүй байгаа гэж үзэн, Хөдөлмөрийн тухай хуулийн 25.1.2 дугаар заалтын дагуу хөдөлмөрийн сонирхлын хамтын маргаан үүсгэж, ажил хаялт зарлахаар албан ёсоор шийдвэрлэсэн байна.
Тус холбоо өнөөдөр гаргасан тогтоолоо Эрүүл мэндийн яаманд танилцуулж, 2025 оны 11 дүгээр сарын 13-наас эхлэн ажил хаялт эхлүүлэхээ мэдэгджээ.
Энэ нь боловсролын салбарын ажил хаялт намжсан үед эрүүл мэндийн салбарынхан цалин, хөдөлмөрийн нөхцөлөө сайжруулах тэмцлээ үргэлжлүүлж буйг харуулж байна.
