“Улаанбаатар-2025” жүдо бөхийн Их дуулга тэмцээний эмэгтэйчүүдийн 52 кг-ийн жинд өсвөрийн Дэлхийн аварга шалгаруулах тэмцээний хүрэл медальт, Олон улсын хэмжээний мастер М.Нандин-Эрдэнэ финалд шалгарч, алтан медалийн төлөө тулалдахаар боллоо.
Тэрбээр хагас шигшээ барилдаанд залуучуудын Дэлхийн аварга шалгаруулах тэмцээний болон Мастерс цувралын хос хүрэл медальт Францын Астрид Гнетог нэмэлт цагийн тулаанд ялжээ. Үүний үр дүнд М.Нандин-Эрдэнэ IJF-ийн цуврал тэмцээнээс анх удаа медаль хүртэх нь баталгаажлаа.
