Цагдаагийн байгууллагад 2024 оны зургаадугаар сарын 8-наас долдугаар сарын 8-ны хооронд залилах төрлийн гэмт хэргийн нийт 213 дуудлага, мэдээлэл бүртгэгджээ. Үүний дотроос:
- “Үндэсний их баяр наадмын тасалбар зарна”,
- “Аяллын хэрэгсэл зарна” гэх зараар иргэдийг хуурч, мөнгө шилжүүлүүлсэн,
- Мөн хакердсан хаягнаас “мөнгө зээлээч” гэсэн зурвас ирсний дагуу итгэж, залилуулсан
гэсэн 124 дуудлага мэдээлэл бүртгэгдэн, шалгалтын ажиллагаа үргэлжилж байна.
Цагдаагийн байгууллагаас иргэдийг дараах байдлаар сэрэмжтэй байхыг анхааруулж байна:
- Үндэсний их баяр наадмын тасалбар болон бусад бараа, үйлчилгээг зөвхөн албан ёсны цахим хуудсаар дамжуулан худалдан авах;
- “Танил хүнээс” ирсэн мэт харагдах мөнгө зээлээч гэсэн зурваст итгэхгүй байх, заавал утсаар холбогдож нягтлах;
- Интернэт орчинд хуурамч хаяг, залилангийн шинжтэй зар түгээх явдал ихэсч байгаа тул болгоомжтой хандах хэрэгтэйг онцолж байна.
