Монголчуудын тусгаар тогтнол, төрт ёсоо тэмдэглэдэг Үндэсний их баяр наадам энэ жил Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойтой давхцаж, өргөн дэлгэр тэмдэглэхээр бэлтгэл ажил хангагдаад байна.
Тус ойн хүрээнд зохион байгуулагдах үндсэн наадам болон соёл, урлагийн олон нийтийн арга хэмжээний хөтөлбөрийг танилцуулж байна.
“Улаанбаатарын үдэш 2025” наадмын шоу тоглолт
- Хэзээ: 2025 оны 7 дугаар сарын 11
- Хаана: Д.Сүхбаатарын талбай
- Хугацаа: 21:00 – 00:00
Энэ жилийн “Улаанбаатарын үдэш 2025” тоглолт нь наадмын өдрүүдийн хамгийн олон хүнийг хамарсан, чөлөөт уур амьсгалтай урлагийн арга хэмжээ болохоор төлөвлөгдсөн. Нийслэлийн төв талбайд болох тус тоглолт нь хоёр үндсэн хэсгээс бүрдэх юм.
Тоглолтын бүтэц:
- Этник, үндэсний хэв шинжийг орчин үеийн хөгжимтэй хослуулсан хэсэг
- Монгол үндэсний хөгжмийн өнгө аяс
- Орчин үеийн хөгжмийн хэв маягтай уялдсан найруулгууд
- Үндэсний үнэт өвийг шинэ дүр төрхөөр харуулах уран бүтээлүүд
- Монголын рок поп хөгжмийн шилдэг бүтээлүүдийн хэсэг
- Олон үеийн уран бүтээлчдийн тайзнаа гарах тоглолт
- Сонсогчдын сайн мэдэх, хит дуунууд
Тоглолтод нийт 70 гаруй уран бүтээлч оролцох бөгөөд нийслэлийн иргэд, хотоор зочилж буй жуулчид, хөдөө орон нутгийн иргэдэд зориулсан томоохон соёлын арга хэмжээ болох юм.
Доорх нь тухайн өдрийн бүх үйл явдлыг жагсаав.
Сануулахад, “Наадам”-ын нээлт болон хаалтын ёслолыг 21 аймгийн төв талбайгаас шууд дамжуулан үзүүлэх болно.
