Монгол Улсын хиймэл оюуны салбарын хөгжлийг шинэ шатанд гаргах, өндөр хүчин чадлын тооцооллын дэд бүтэц бүхий анхны NVIDIA NVL H200 GPU хурдасгуураар тоноглогдсон “AI дата төв” ашиглалтад ороход бэлэн боллоо.
Баянгол дүүргээс хэрэгжүүлж буй “Ухаалаг Баянгол” хөтөлбөрийн хүрээнд байгуулагдсан “SMART2B AI дата” төв нь NVIDIA-ийн Hopper архитектурт суурилсан дэвшилтэт төхөөрөмжүүдээр тоноглогдсон бөгөөд олон улсын стандартад нийцсэн тооцооллын орчныг эх орондоо бүрдүүлж байгаагаараа онцлог юм.
Төслийн боломж ба техникийн давуу тал
Тус дата төв нь дараах чиглэлүүдээр судалгаа, хөгжүүлэлт хийх өндөр хурдны дэд бүтцийг олгоно:
- Том хэлний загвар (LLM): Монгол хэлний болон тусгайлсан AI загваруудыг сургах, хөгжүүлэх.
- Генератив хиймэл оюун (Generative AI): Агуулга, зураг, код үүсгэх дэвшилтэт AI технологиудыг боловсруулах.
- Өндөр гүйцэтгэлтэй тооцоолол (HPC): Их хэмжээний дата өгөгдөлд дүн шинжилгээ хийх, математик загварчлал гүйцэтгэх.
Ач холбогдол ба нийгэм, эдийн засгийн нөлөө
- Инноваци ба Стартап хөгжил: AI чиглэлийн стартап болон судалгааны байгууллагуудад шаардлагатай дэвшилтэт тооцооллын хүчин чадлын нөөцийг дотооддоо шийдвэрлэх боломж бүрдэнэ.
- Бүтээгдэхүүн нэвтрүүлэлт: Төрийн болон хувийн хэвшлийн байгууллагууд хиймэл оюунд суурилсан бүтээгдэхүүн, үйлчилгээг богино хугацаанд зах зээлд гаргах чадамжтай болно.
- Дижитал шилжилт: Монгол Улсын технологийн салбарын олон улс дахь өрсөлдөх чадварыг дээшлүүлж, дижитал шилжилтийг эрчимжүүлнэ.
