Холливудын од Женнифер Лопесын тайзан дээр хэлсэн үг интернетэд идэвхтэй хэлэлцүүлэг дагууллаа. Дуучны сэтгэл хөдлөлтэй монологийг үзсэн сошиал хэрэглэгчид хоёр өөр байр суурьтай хүлээн авчээ. Зарим нь түүний үгийг дэмжсэн бол нөгөө хэсэг нь хатуу шүүмжилсэн байна.
Тоглолтын үеэр Лопес эмэгтэй фэнүүддээ хандан харилцаанд жинхэнэ үнэ цэнэ юунд оршдог талаар ярьжээ. Түүний хэлснээр, эр хүний сэтгэл татам байдал мөнгө, нийгмийн байр суурь, үнэт зүйлсээр тодорхойлогдохгүй. Харин өдөр тутмын амьдрал дахь энгийн боловч утга учиртай халамж илүү чухал аж.
“Эр хүнийг үнэхээр сэтгэл татам болгодог зүйл юу болохыг та нар мэдэх үү? Энэ нь цаг ч биш, машин ч биш, хувийн онгоц ч биш. Хэдий энэ бүхэн сайхан л даа. Харин өглөө ор засах, орой чамайг ядарсан үед аяга таваг угаах үед эр хүн сэтгэл татам болдог” гэж Лопес хэлсэн байна.
Сэтгэгдлүүд хоёр хуваагдав
Энэ хэсгийн бичлэг нийтлэгдсэний дараа сошиал сүлжээнд маргаан өрнөжээ. Зарим хэрэглэгч Лопесын байр суурийг зөв гэж үзэж, харилцаанд бодит халамж, гэрийн ажилд оролцох нь чухал гэдэгтэй санал нийлсэн байна.
Харин шүүмжлэгчид илүү ёжтой ханджээ. Тэд Бен Аффлек Лопестой харилцаатай байхдаа гэрийн ажил хийдэг байсан эсэхийг асууж, дуучны үгийг эргэлзээтэй гэж үзсэн байна.
Мөн зарим хэрэглэгч Лопес их хөрөнгөтэй учраас өөрийн ярьсан ахуйн бэрхшээлтэй бодитоор тулгардаггүй байх гэж шүүмжилжээ. Ийнхүү дуучны богино монолог харилцаа, гэрийн ажил, алдартнуудын амьдралын бодит байдлын талаар сошиалд шинэ маргаан үүсгэсэн байна.
