2025 оны 8-р сарын 18-25-ны хооронд цагдаагийн байгууллагад нийт 394,309,142 төгрөгийн хохиролтой 76 залилах гэмт хэргийн дуудлага, мэдээлэл бүртгэгджээ.
Цахим гэмт хэргийн ноцтой байдал
Эдгээрээс 58 хэрэг буюу 60.8% нь цахим орчинд үйлдэгдсэн залилах гэмт хэрэг байсан бөгөөд нийт 177 сая төгрөгийн хохирол учруулжээ. Цахим залилах гэмт хэргийн хохирлын 83.6% буюу 148 сая төгрөгтэй холбоотой хөрөнгийн шилжилтэд хязгаарлалт тогтоож, цагдаагийн байгууллага шуурхай арга хэмжээ авсан байна.
Иргэдэд өгч буй зөвлөмж
Цахим залилах гэмт хэргээс урьдчилан сэргийлэхийн тулд иргэд дараах зөвлөмжийг дагаж мөрдөхийг Цагдаагийн байгууллага уриалж байна:
- Шаардлагагүй бол Telegram аппликейшнийг хэрэглэхээс татгалзаж, тус платформын групп, хаягуудад нэгдэхгүй байх.
- Ойр дотны хүний хаягаас “Мөнгө зээлээч” гэсэн мессеж ирвэл заавал нягтлан шалгаж, болгоомжтой хандах.
- Шууд дамжуулалт (live) хэлбэрээр явуулж буй сугалаа, урамшууллын мэдээлэлд итгэхгүй, оролцохгүй байх.
- Залилах шинжтэй үйлдэл илэрвэл нэн даруй тухайн хаяг, контентыг репортлох.
Эдгээр арга хэмжээг авснаар та өөрийгөө болон гэр бүл, ойр дотныхоо хүмүүсийг цахим гэмт хэргээс урьдчилан сэргийлэх боломжтой.
Сүүлийн үед иймэрхүү луйвар ихэссэн байна. Бүгд анхааралтай байгаарай
Цагдаа нар иймэрхүү сэрэмжлүүлэг өгч байгаа нь сайн хэрэг, ахмадууддаа заавал хэлээрэй