Нийслэлийн Боловсролын газраас сургалтын чанарыг сайжруулах, байгууллагын менежментийг боловсронгуй болгох зорилгоор жил бүр шилдэг сургууль, цэцэрлэгүүдийг шалгаруулж, мөнгөн урамшуулал олгодог уламжлалтай. 2025-2026 оны хичээлийн жилд нийт 166 сургууль, 271 цэцэрлэгийн 16 мянга гаруй багш, ажилчид гүйцэтгэлийн үнэлгээнд хамрагдсанаас шилдэг 30 сургууль, 46 цэцэрлэг тусгай шалгуурыг хангаж, “Ментор” болон “Шилдэг менежменттэй” байгууллагын төлөө өрсөлдлөө.
Энэ удаагийн шалгаруулалтад Баянзүрх дүүргийн тусгай хэрэгцээт 55 дугаар сургууль амжилттай оролцож, “Нийслэлийн шилдэг менежменттэй ментор сургууль”-аар тодров. Тус хамт олон хүртсэн 20 сая төгрөгийн урамшууллаа сургалтын орчноо сайжруулахад зориулж, сургууль дээрээ кофе шоп байгуулсан байна. Энэхүү төслөөр дамжуулан оюуны хөгжлийн бэрхшээлтэй сурагчдаа бариста мэргэжлээр дадлагажуулж, мэргэжлийн гэрчилгээ олгож байгаа нь нийгмийн хариуцлага болон практик сургалтын шилдэг жишээ боллоо.
Нийслэлийн шилдэг боловсролын байгууллагуудын жагсаалт
Сүүлийн таван жилийн хугацаанд нийслэлээс нийт 2.2 тэрбум төгрөгийн индексийн урамшууллыг шилдэг байгууллагуудад олгоод байна. 2024 оноос эхлэн энэхүү шагналыг жилд хоёр удаа олгодог болсноор багш нарын идэвх зүтгэлийг илүүтэй дэмжих боломж бүрджээ. Энэ оны шилдгээр шалгарсан байгууллагуудыг ангиллаар нь танилцуулбал:
1. Шилдэг менежменттэй ментор сургуулиуд (Батламж, 20 сая төгрөг):
- 12 дугаар сургууль (М.Туулсайхан захиралтай, СХД)
- 25 дугаар сургууль (Ц.Гэрэлмаа захиралтай, СБД)
- 55 дугаар сургууль (Ч.Ганбилэг захиралтай, БЗД)
- 63 дугаар сургууль (С.Эрдэнэбаатар захиралтай, ХУД)
- 65 дугаар сургууль (Ч.Хишигмаа захиралтай, СХД)
- 109 дүгээр сургууль (Д.Цэрэндолгор захиралтай, НД)
2. Шилдэг менежменттэй сургуулиуд (Батламж, 10 сая төгрөг):
- 26 дугаар сургууль (О.Одонтуул захиралтай)
- 70 дугаар сургууль (М.Түвшинжаргал захиралтай)
- 106 дугаар сургууль (Ж.Одгэрэл захиралтай)
- 116 дугаар сургууль (Э.Нүрзэд захиралтай)
- 135 дугаар сургууль (П.Энхбаяр захиралтай)
- 151 дүгээр сургууль (П.Хувьзаяа захиралтай)
- “Ирээдүй” цогцолбор сургууль (Г.Цагаанцоож захиралтай)
- Монгол-Оросын хамтарсан 3 дугаар сургууль (н.Болор захиралтай)
- “Хөгжил” сургууль (С.Энх-Ариун захиралтай)
3. Шилдэг менежменттэй ментор цэцэрлэгүүд (Батламж, 10 сая төгрөг):
- 85 дугаар цэцэрлэг (С.Дэжидсүрэн эрхлэгчтэй)
- 93 дугаар цэцэрлэг (Ж.Батцэцэг эрхлэгчтэй)
- 121 дүгээр цэцэрлэг (В.Дэлгэрмаа эрхлэгчтэй)
- 202 дугаар цэцэрлэг (Д.Цэрэндулам эрхлэгчтэй)
4. Шилдэг менежменттэй цэцэрлэгүүд (Батламж, 5 сая төгрөг):
- 13, 114, 198 дугаар цэцэрлэгүүд (БГД)
- 45, 257, 301 дүгээр цэцэрлэгүүд (БЗД)
- 110, 316 дугаар цэцэрлэгүүд (СХД)
- 308 дугаар цэцэрлэг (ХУД)
- 327 дугаар цэцэрлэг (ЧД)
“Индексийн урамшуулал нь сургууль, цэцэрлэгийн хамт олны бүтээмжийг нэмэгдүүлж, сургалтын чанарыг шинэ шатанд гаргах чухал хөшүүрэг болж байна.”
Энэхүү санхүүгийн урамшуулал нь зөвхөн багш нарыг дэмжээд зогсохгүй, сургалтын орчныг шинэчлэх, сурагчдад илүү их боломж олгох бүтээлч төслүүдийг хэрэгжүүлэхэд үр дүнгээ өгч байна. 55 дугаар сургуулийн жишээ нь тусгай хэрэгцээт боловсролын байгууллагууд менежментээ хэрхэн зөв удирдаж, сурагчдынхаа ирээдүйд хөрөнгө оруулалт хийж болдгийг тод харууллаа.
