Азийн чөлөөт бөхийн аварга шалгаруулах тэмцээний гурав дахь өдөр манай улсын таван тамирчин барилдсанаас нэг мөнгө, хоёр хүрэл медаль хүртсэн амжилт үзүүллээ.
ОУХМ О.Сүлдхүү 79 кг-ийн жинд Киргизийн алдарт бөх, дэлхийн аваргын хүрэл медальт Арсалан Будажаповтой хүрэл медалийн төлөө хүч үзэж, оноо тэнцсэн ч (4:4) шүүлтийн дүнгээр давуу гарч, хоёр дахь удаагаа тивийн тэмцээнээс медаль хүртэв. Тэрбээр өмнө нь 2023 оны Азийн АШТ-ээс хүрэл медаль хүртэж байсан юм.
Харин 65 кг-ийн жинд барилдсан ОУХМ Ц.Цогбадрах Японы өсвөрийн дэлхийн аваргын хүрэл медальт, 2024 оны улсын аварга Кайсэй Танабэтэй финалд хүч үзэж, мөнгөн медаль хүртлээ.
57 кг-ийн жинд Монголын нэрийн өмнөөс барилдсан ОУХМ Б.Мөнх-Эрдэнэ залуу япон тамирчин Рина Сакамотог 5:1 онооны харьцаатай ялснаар Монголын эрэгтэй багийн гурав дахь медалийг авчирсан юм. Харин өнөөдөр тэмцээний дэвжээнд манай улсын дараагийн таван бөх барилдах хуваарьтай байна.
