Соёл, спорт, аялал жуулчлал, залуучуудын сайд Ч.Ундрам Netflix болон БНСУ-ын “MBC” сувгийн хамтарсан “Physical Asia” шоу нэвтрүүлэгт Монгол Улсыг төлөөлөн оролцсон баг, тамирчид, төслийн багийн төлөөллийг хүлээн авч уулзлаа. Уулзалтын үеэр сайд Ч.Ундрам Монголын нэр хүндийг дэлхийд өргөж, жуулчдын сонирхлыг татахад үнэтэй хувь нэмэр оруулсан гэдгийг онцолж, талархал илэрхийлжээ.
Монгол хүний биеийн хүч, тэсвэр тэвчээр, авьяас чадвар, эв нэгдэл, онцлог зан чанар нь олон орны үзэгчдэд гүн сэтгэгдэл үлдээж, улсаа шинэ өнцгөөс таниулах боломж нээсэн байна. Энэ амжилтыг үндэслэн цаашид шоуны баг, тамирчидтай хамтран аялал жуулчлалыг сурталчлах, хөгжүүлэх чиглэлээр хамтран ажиллахаар тохиролцов.
“Physical Asia” нэвтрүүлэг дэлхийн 46 оронд үзэлтээрээ тэргүүлж, сая сая үзэгчид хүлээж авсан бөгөөд Монголын баг, тамирчид хамгийн өндөр хандалтыг авч байгаа юм. Энэ нь Монголын соёл, спортын өв уламжлалыг дэлхийд сурталчлах том боломж болжээ.
Хамтын ажиллагааны гол чиглэлүүд:
- Аялал жуулчлалыг сурталчлах
- Монголын соёл, спортын онцлогийг таниулах
- Жуулчдын урсгалыг нэмэгдүүлэх
