НҮБ-ын Үйлдвэр хөгжлийн байгууллага (ЮНИДО)-ын Ерөнхий бага хурлын 21 дэх чуулган, “Дэлхийн аж үйлдвэрийн дээд түвшний уулзалт” Саудын Арабын Хаант Улсын Риад хотноо 11-р сарын 23-27-нд болж байна. “Тогтвортой хөгжлийн зорилтуудыг эрчимжүүлэхэд хөрөнгө оруулалт, хамтын ажиллагааны үлэмж үүрэг” сэдвийн дор цугласан уг арга хэмжээнд Гадаад харилцааны сайд Б.Батцэцэг цахимаар оролцож, Монголын тогтвортой хөгжлийн бодлого болон ЮНИДО-тай хөгжүүлж буй хамтын ажиллагааны талаар үг хэлэв.
Тэрбээр Тогтвортой хөгжлийн зорилгуудыг хэрэгжүүлэхэд ЮНИДО-гийн үүрэг онцгой чухал гэдгийг онцолж, Монгол Улс байгальд ээлтэй, нэмүү өртөг шингэсэн үйлдвэрлэлийг дэмжих, эрчим хүчний хэмнэлт, ажлын байр нэмэгдүүлэх чиглэлийн төслүүдийг энэ байгууллагатай хамтран хэрэгжүүлж ирснийг дурдаж, цаашид хөрөнгө оруулалт, хамтын ажиллагааг өргөжүүлэх хүсэлтэй байгаагаа илэрхийлжээ. Мөн Монгол Улс ЮНИДО-той байгуулж буй Орны хөтөлбөр нь “Алсын хараа-2050”, “Хүнсний хувьсгал”, “Цагаан алт” зэрэг үндэсний бодлоготой уялдаж, жижиг дунд үйлдвэрийн тогтвортой хөгжилд чухал үүрэг гүйцэтгэнэ гэдгийг тэмдэглэв.
Ерөнхий бага хурлын 21 дэх чуулганаар ЮНИДО-гийн 2023-2024 оны үйл ажиллагааны тайлан, 2026-2027 оны төсөв, дунд хугацааны хөтөлбөр, жендэрийн тэгш байдал, эмэгтэйчүүдийг чадавхжуулах, Тогтвортой хөгжлийн зорилтуудыг хэрэгжүүлэх чиглэлийн 30 гаруй асуудлыг хэлэлцэн, холбогдох тогтоол шийдвэр гаргажээ.
Гол сэдвүүд:
- Тогтвортой хөгжлийн зорилтуудыг эрчимжүүлэх
- Хөрөнгө оруулалт ба хамтын ажиллагааны үүрэг
- Монгол-ЮНИДО-гийн хамтын ажиллагааны өргөжилт
