“Өгий нуурыг сэргээх, бохирдлоос хамгаалах” цогц ажлын хүрээнд Монгол Улсад анх удаа “Нуурын эргийн дахин төлөвлөлт” хийгдэж байна. Энэ нь нуурын эргийг бүхэлд нь хамарсан, байгальд ээлтэй төлөвлөлт бүхий шинэлэг төсөл юм. Уг ажлыг Монгол Улсын Ерөнхийлөгчийн санаачлагаар хэрэгжүүлж байгаа бөгөөд гол зорилго нь нуурын экосистемийг хамгаалах, аялал жуулчлал ба хүний нөлөөллийг зөв зохицуулах явдал гэж албаныхан мэдээлэв.
Төлөвлөлтийн гурван бүсийн зохион байгуулалт
“Нуурын эргийн дахин төлөвлөлт”-ийг дараах 3 бүсэд хуваан хэрэгжүүлж байна:
- Нэгдүгээр бүс:
- Байгалийн унаган төрхийг хадгалах зорилготой.
- Барилга байгууламж барихыг бүрэн хориглоно.
- Нэгдсэн завины зогсоол байгуулж,
- Шувуу ажиглах гурван цамхаг барихаар төлөвлөжээ.
- Хоёрдугаар бүс:
- Явган хүний зам, ногоон байгууламж байгуулж,
- Орчин үеийн шийдэл бүхий бие засах газруудыг төлөвлөсөн.
- Энэхүү бүс нь байгальд ачаалал өгөхгүйгээр аялагчдын хүртээмжийг нэмэгдүүлэх зорилготой.
- Гуравдугаар бүс:
- Аялал жуулчлал, амралт, отоглох цэгүүдийг байгальд ээлтэй байдлаар байгуулах.
- Хогийн цэг, бие засах байгууламжуудыг хөрс болон ус бохирдуулахгүй байдлаар шийднэ.
Байгальд суурилсан төлөвлөлтийн ач холбогдол
Энэхүү төлөвлөлтөөр усны нөөцөд суурилсан байгаль хамгаалалтын шинэ загвар бий болж байна. “Өгий нуур”-ын ашиглалт, хамгаалал, аялал жуулчлалын уялдаа бүхий загвар гарснаар цаашид Монголын бусад нуур, усан экосистемийг хамгаалах тогтвортой менежментийн туршлага болох боломжтой гэж мэргэжилтнүүд үзэж байна.
