Хөлбөмбөгийн хамгийн нэр хүндтэй хувийн шагнал болох «Алтан бөмбөг»-ийг (Ballon d’Or), жил бүр France Football долоо хоног тутмын сэтгүүлээс олгодог, энэ удаа «Пари Сен-Жермен» болон Францын шигшээ багийн довтлогч Усман Дембеле хүртлээ.
Хоёрдугаар байрыг «Барселона» болон Испанийн шигшээ багийн авьяаслаг залуу тоглогч Ламин Ямаль эзэлжээ. 18 настай түүний хувьд ирээдүйтэй хөлбөмбөгчний хувьд Раймон Копагийн нэрэмжит шагнал буюу оны шилдэг 21-ээс доош насны тоглогчийн шагналыг хүртсэн нь ирээдүйн амжилтын том дохио боллоо.
Гуравдугаар байрыг мөн «ПСЖ»-ийн хагас хамгаалагч, Португал тоглогч Витинья эзэлсэн байна.
28 настай Усман Дембеле өнгөрсөн улиралд клубтэйгээ Францын дотоодын лиг, цомын тэмцээнээс гадна Аваргуудын лиг болон УЕФА Супер цомд түрүүлж, мөн клубуудын дэлхийн аваргын шигшээд шалгарсан амжилттай тоглосон.
Ийнхүү Дембеле «Алтан бөмбөг»-ийг хүртсэн зургаа дахь франц тоглогч болж байна. Өмнө нь энэхүү шагналыг Раймон Копа (1958), Мишель Платини (1983, 1984, 1985), Жан-Пьер Папен (1991), Зинедин Зидан (1998), Карим Бензема (2022) нар хүртэж байжээ.
