Esports World Cup 2025-ийн шөвгийн наймд Vitality баг TYLOO-г ямар нэгэн хүндрэлгүйгээр 2:0-ээр яллаа. Тоглолт Inferno дээр 13:4, Nuke дээр 13:8-аар Vitality-ийн талд өндөрлөв.
Тоглолтын шилдэг тоглогчоор Матьё “ZywOo” Эрбо тодорсон бөгөөд тэрбээр цувралыг гайхалтай статистикаар дуусгав: 44 алалт, 19 үхэл, ADR 116.8.
Ингэснээр Vitality хагас шигшээд Монголын The MongolZ багийн эсрэг тоглож, BLAST Bounty Fall 2025 дээрх ялагдлынхаа хариуг авах боломжтой боллоо. Харин TYLOO тэмцээнээ 5–8-р байр эзлэн, $40,000-ын шагналтай өндөрлүүлэв.
Esports World Cup 2025 нь 8-р сарын 20–24-нд Саудын Арабын Эр-Рияд хотын Boulevard Riyadh City арены дээр болж байгаа бөгөөд нийт $1,250,000-ын шагналын сантай, дэлхийн шилдэг 16 баг өрсөлдөж байна.
