Монгол Улсад жил бүр дунджаар 60 гаруй кино нээлтээ хийдэг бөгөөд тэдгээрийн 30 орчим нь кино театруудаар дамжин үзэгчдэд хүрч байна. Романтик, инээдмийн, триллер, аймшгийн, адал явдалт гэх мэт төрөл бүрийн кинонууд нээлтээ хийсээр байгаа бөгөөд зарим нь онцгой амжилт гарган, олон үзэгчийг байлдан дагуулдаг. “Кино Сан” багийнхан кино театруудын менежментийн холбооны өгөгдөлд тулгуурлан бүх цаг үеийн хамгийн их үзэгчтэй Монголын киноны жагсаалтыг гаргасан байна. Доор танилцуулъя.
10. Сүйт Бүсгүй
- Нийт үзэгч: 166,336
- Нээлтийн он: 2023
- Найруулагч: С.Батмөнх, Б.Энхжаргал
- Жүжигчид: Г.Ундармаа, П.Эрдэнэзаан, А.Туяа, О.Дөлгөөн, Б.Батмаа
- Товч агуулга: “Single Ladies” франчайзын 5 дахь кино бөгөөд 50 настай удирдах албан тушаалын эмэгтэй шинэ төсөл хариуцан ажиллаж, байгууллагын захиралтай хайр сэтгэлийн харилцаа үүсгэснээр хувийн болон ажлын амьдралдаа олон сорилттой тулгарна. Ганц бие амьдралдаа дассан Ариунсанаа хайр, гэр бүлийн амьдралыг бий болгож чадах уу гэдэгт үйл явдал төвлөрнө. Энэ бол романтик инээдмийн жанрын бүтээл юм.
9. Ноён Эмэгтэй
- Нийт үзэгч: 200,418
- Нээлтийн он: 2022
- Найруулагч: У.Уранчимэг
- Жүжигчид: У.Уранчимэг, О.Дөлгөөн, Ш.Доржсүрэн, Ж.Амарзаяа, Ж.Оюундарь, Б.Баярмаа, Т.Дашсурмаа, О.Самданпүрэв, Б.Сэтгэлтүвшин
- Товч агуулга: 1990-ээд оны эмэгтэйчүүдийн хорих ангид өрнөх эмгэнэлт түүхийг харуулна. Хүч нөлөөний төлөөх тэмцэл, нөхөрлөл, урвалт, өшөө авалт, өршөөлийн сэдвүүдийг хөндсөн энэхүү драм нь дүрүүдийн хоорондын нарийн харилцаа, өрсөлдөөнийг онцлон харуулснаараа ялгардаг.
8. Single Ladies 4: Эхлэл ба Төгсгөл
- Нийт үзэгч: 202,793
- Нээлтийн он: 2020
- Найруулагч: Л.Бат-Амгалан
- Жүжигчид: Г.Ундармаа, А.Туяа, П.Эрдэнэзаан, С.Хүслэн, М.Наранбаатар, Э.Зүнжээ, Б.Ариунхишиг
- Товч агуулга: “Single Ladies” цувралын 4 дэх хэсэг бөгөөд ганц бие гурван эмэгтэйн амьдралыг романтик инээдмийн хэлбэрээр өгүүлнэ. Ари гэдэг эмэгтэй ажлын шугамаар Иранд очиж, санамсаргүй эртний бөгж худалдаж авснаар далдын хүчээр 13-р зуунд хальж, олон адал явдалтай тулгарна. Энэ цуврал 2010-аад оны Монголын кино урлагт хайрлагддаг франчайзын нэг юм.
7. Зүрхний Хилэн
- Нийт үзэгч: 209,793
- Нээлтийн он: 2017
- Найруулагч: Б.Тамир
- Жүжигчид: Ц.Ганзориг, Н.Сувд, Ж.Оюундарь, Г.Золбоот, М.Баярбат, Э.Алдар, Б.Батсайхан, Б.Ганчулуун, Э.Одбаяр, Ж.Алтаншагай, Б.Барслхагва
- Товч агуулга: Эрболд манжийн худалдаачинтай муудалцсаны улмаас Батгүнд хоригдож, хэсэг нөхдийн хамт хүн төрөлхтний түүхэнд анх удаа оргож зугтдаг. Эрх чөлөөний бичгийг авахын тулд Монголын ноёдтой хамтран тэмцэлдэж, Чин улсын амбан сайд Фун Жоу тэднийг барихаар хичээнэ. Эрх чөлөө, эх орон, Монголын ухаан, зүрх сэтгэлийн тухай түүхийг өгүүлнэ.
6. Солиот Эх
- Нийт үзэгч: 211,185
- Нээлтийн он: 2017
- Найруулагч: И.Одончимэг
- Жүжигчид: И.Одончимэг, Д.Цэрэндарьзав, Т.Бархүү, Г.Дөлгөөн-Эрдэнэ, Г.Тэнүүн-Эрдэнэ
- Товч агуулга: Хятадын зохиолч Ван Хэн Жи-ийн өгүүллэгээс сэдэвлэсэн энэхүү кино нь 1900-аад оны эхэн үеийн Монголын ахуй, соёл, зан заншил, байгальтай холбогдох шүтэлцээг харуулна. Хүний мөс чанар, баян ядуугийн ялгаа, амьдралын үнэ цэнэ, эхийн хайр, зориг, нинжин сэтгэлийн тухай өгүүлдэг.
5. Монгол
- Нийт үзэгч: 217,892
- Нээлтийн он: 2023
- Найруулагч: Б.Амарсайхан
- Жүжигчид: Б.Амарсайхан, Т.Солонго-Уянга, Ч.Найдандорж, З.Жарантив, Л.Энхбаяр, Э.Батнямбуу, Б.Наранбаатар
- Товч агуулга: Монголын харц эр Монгол ноёны охин Сэрчмаад сэтгэлтэй болсноор түүх эхэлнэ. Манжийн дагаарт орсон он цагт тэдний хайр, шударга ёс, нөхөрлөл, шинэ цагийн төлөөх тэмцэл рүү хөтлөгдөнө. Хайр сэтгэлийн төлөөх тэмцэл, хувь заяаны сорилтыг даван туулах түүхийг өгүүлнэ.
4. Байтаг Богд
- Нийт үзэгч: 243,289
- Нээлтийн он: 2018
- Найруулагч: О.Бат-Өлзий, Б.Тамир
- Жүжигчид: Ц.Цэрэнболд, Г.Лхагвацэрэн, Г.Золбоот, Ц.Алдармаа, Ж.Алтаншагай, Б.Барслхагва, Э.Одбаяр, Б.Батсайхан, Э.Алдар
- Товч агуулга: 1945-1949 оны хооронд БНМАУ-ын баруун хилийн Байтаг Богдын орчимд Хятадын Гоминдааны цэрэг болон Оспаны зэвсэгт бүлэглэл хил зөрчин, ард иргэдийг дээрэмдэж, ураны баялагтай газрыг эзлэхийг санаархжээ. Монголын тагнуулчийн мэдээллээр Гоминдааны их хүч Бага Хавтагийн нуруугаар хил нэвтрэхээр болсныг илрүүлж, ахлах дэслэгч Хярваа тэргүүтэй 10 хилчин хамгаалалтын үүрэг гүйцэтгэнэ.
3. Зура II: Цурам Ажиллагаа
- Нийт үзэгч: 282,172
- Нээлтийн он: 2022
- Найруулагч: Б.Тамир
- Жүжигчид: Ж.Алтаншагай, Б.Барслхагва, Б.Ганчулуун, Ш.Доржсүрэн, С.Болд-Эрдэнэ, С.Ариунбямба, Э.Одбаяр, Г.Баярхүү, Д.Хосбаяр, Х.Отгонтунгалаг, Ц.Номин
- Товч агуулга: Хятадын суурин тагнуулыг илрүүлж, хөөн гаргах “Цурам-3” ажиллагаагаар кино эхэлнэ. 2022 оны орчин үеийн Монголд БНХАУ-аас их хэмжээний мөнгө хууль бусаар оруулахыг оролдсоныг ТЕГ илрүүлж, Буйр нуурын усан хилээр орж ирсэн мөнгийг барьж авна.
2. Баян Боол
- Нийт үзэгч: 296,915
- Нээлтийн он: 2023
- Найруулагч: Д.Мөнхбат
- Жүжигчид: О.Тэмүүжин, Б.Номин, Г.Нарансолонго, Б.Батмэнд, Ш.Доржсүрэн, Б.Ариунцэцэг, Ө.Мөнх-Эрдэнэ, Г.Эзэнмөнх, Х.Баярмаа, Т.Бадамжав, Д.Түвшинтөр
- Товч агуулга: Хөрөнгөтэй айлын ганц хүү хяналтаас гарч, хариуцлагагүй үйлдэл үйлдэг болов. Эцэг Эрхэмээ хүүгийнхээ алдааг арилгадаг ч хэрхэн хүмүүжүүлэхээ мэдэхгүй байна. Найз бүсгүй нь түүнийг хачирхалтай хүнтэй танилцуулснаар хүүгээ өнгөрсөн үеийн боолын амьдралаар хүмүүжүүлэх арга олдог.
1. Зура III: Цэвэрлэгээ
- Нийт үзэгч: 302,616
- Нээлтийн он: 2024
- Найруулагч: Б.Тамир
- Жүжигчид: М.Баярбат, Б.Барслхагва, Н.Ялалт, Б.Тамир, Г.Золбоот, Т.Бархүү, Э.Тодгэрэл, Ц.Номин
- Товч агуулга: Авлига, хээл хахуульд идэгдсэн шүүхийн өмнө Прокурор Ганзориг хуулиас гадуур шударга ёсны төлөө тэмцэнэ. Хөрш орнуудын төрд нэвтэрсэн этгээдүүдийн шахалтад хавчигдан, тэмцэл улам хүнд болж, бохир тоглоом нарийн төвөгтэй болно.
