Гашуунсухайт-Ганцмодын хилийн төмөр замын бүтээн байгуулалт төлөвлөгөөний дагуу амжилттай үргэлжилж байна.
“Тавантолгойн төмөр зам” компанийн мэдээлснээр:
- Дэд төслүүдийн ажил амжилттай урагшилж байна.
- Байгаль орчны норм, хяналт мөрдөгдөж, ус хангамж, ариутгах татуурга, хог хаягдлын шийдлийг эрэлхийлж байна.
- Платформын жингийн төхөөрөмж суурилуулах, суурийн ухалт, хөрсний нягтруулалт, бетон цутгалт, хэв хашмал суурилуулалтын ажлууд хийгдсэн.
- Хашааны барилгын ажил үргэлжилж байгаа бөгөөд одоогоор:
- Шон суурилуулалт – 41% (1700 ширхэг)
- Суурийн цутгалт – 82.9% (864.25 м³)
- Торон хашаа – 40.4% (5058 м²)
Байгаль орчны газрын зөвлөмжийн дагуу гэрээт байгууллагуудын оюутны байр орчмын ариутгах байгууламжийг яаралтай барих шаардлагатай гэж үзсэн. Түр жорлон байгуулж, ундны болон ахуйн усаар хангах ажлуудыг хийж байна.
“Хан дизель”, “Хот тохижилт” ТӨК-уудтай бохир ус зайлуулах, хог хаягдал тээвэрлэх асуудлаар хэлэлцэж, хамтын ажиллагааны төсөл боловсруулсан. Мөн Ханбогд сумын байгаль орчны хяналтын ажилтнууд карьерийн болон газрын гүний усны ашиглалтыг судалж, Говь Галба-Ууш-Долоодын сав газарт байрлах таван цооног ашиглах гэрээ байгуулах ажлыг эхлүүлээд байна.
Төмөр замын техникийн үзүүлэлтүүд:
- Нийт урт: 32.6 км
- Хосолсон цариг: 1520 мм ба 1435 мм, 1-р зэрэглэл
- Жилд тээвэрлэх хүчин чадал: 40 сая тонн
- Үндсэн зам: 19.5 км
- Үлдсэн хэсэг: нэг ба хоёр мөрт гүүрэн байгууламж (8–31 м өндөр), хилийн шалган нэвтрүүлэх цэг, технологийн барилга байгууламж
Төслийн нийт өртөг 902 тэрбум төгрөг бөгөөд хоёр жилийн дотор хэрэгжүүлэхээр төлөвлөсөн. Санхүүжилтийг “Эрдэнэс Тавантолгой” компанийн хөрөнгөөр шийдвэрлэхээр Улсын Их Хурлын тогтоолоор баталжээ.
