Зарим хүмүүс лабубу хүүхэлдэйнүүдийг шатааж эхэлжээ. Үүний шалтгаан нь тэдгээрийг чөтгөрийн дүртэй холбосон цуурхалтай холбоотой гэж Mongolnews24.com мэдээллээ (эх сурвалж: Mustshare news).
Лабубу ба Пазузу: Цуурхлын үүсэл
Сошиал сүлжээнд тархсан мэдээллээр бол, лабубу хүүхэлдэй нь Месопотамын домгийн чөтгөр болох Пазузугийн дүртэй төстэй гэгдэж байна. Пазузу нь:
- арьсан толгой,
- том бүлтийсэн нүд,
- шувууны сарвуу, далавч бүхий дүртэй бөгөөд
- зүүн өмнөд салхины эзэн, гай гамшиг авчирдаг гэдэг.
Зарим хэрэглэгчид лабубугийн бүлтийсэн нүд, муухай инээмсэглэл нь Пазузутай аймшигтай адилхан гэж үзэж байна. Энэхүү хардлага 1973 оны алдартай аймшгийн кино “Чөтгөрийг зайлуулах ёслол”-д Пазузу чөтгөрийн дүрээр гарснаас үүдэн улам гүнзгийрчээ.
Зарим нь шатааж, зарим нь эргэлзэж байна
Зарим хүмүүс хүүхэлдэйнүүдийг гэртээ байлгах нь “муу энерги” дагуулах вий хэмээн болгоомжлон шатааж байгаа бол, шинжээчид болон олон нийт энэхүү цуурхлыг үндэслэлгүй хэмээн үзэж байна. Тэдний хэлж буйгаар лабубу хүүхэлдэй нь чөтгөрийн ямар ч холбоогүй, энэхүү хардлага бол цэвэр хэтэрхий дэвэргэж ойлгосон таамаг юм.
