“Торгоны зам” олон улсын авто ралли Монголд үргэлжилж байна

Олон улсын нэр хүндтэй “Торгоны зам” авто ралли энэ сарын 11-ний өдөр ОХУ-ын Эрхүү хотоос албан ёсоор эхэлсэн бөгөөд Эрхүү муж болон Буриадын нутгийг туулсны дараа Монгол Улсын Алтанбулаг боомтоор долдугаар сарын 15-нд нэвтэрчээ.

Дараагийн өдөр буюу долдугаар сарын 16-нд уралдаанд оролцогчид нийслэл Улаанбаатар хотод хүрэлцэн ирсэн бөгөөд 2025 оны долдугаар сарын 21-ний өдрийг хүртэл Монгол Улсын нутгаар үргэлжилнэ.

Раллигийн Монгол дахь маршрут:

• Хугацаа: 2025 оны 7-р сарын 15–21
• Нийт замын урт: 5,500 км
• Нэвтрэх аймгууд:
  • Сэлэнгэ
  • Дархан
  • Төв
  • Дундговь
  • Өвөрхангай
  • Баянхонгор
  • Говь-Алтай
  • Ховд
  • Баян-Өлгий

Энэ жилийн уралдаанд дараах 12 улсын төлөөлөгчид оролцож байна:

1. Оросын Холбооны Улс
2. Холбооны Бүгд Найрамдах Герман Улс
3. Канад Улс
4. Бүгд Найрамдах Хятад Ард Улс
5. Бүгд Найрамдах Латви Улс
6. Мексикийн Нэгдсэн Улс
7. Бүгд Найрамдах Казахстан Улс
8. Туркменистан Улс
9. Бүгд Найрамдах Узбекистан Улс
10. Бүгд Найрамдах Беларусь Улс
11. Швейцарын Холбооны Улс
12. Монгол Улс

Эдгээр улсуудаас нийт 837 оролцогч, 306 автомашинтайгаар уралдаанд оролцож байгаа нь тус тэмцээний цар хүрээ, олон улсын ач холбогдлыг илтгэж байна.