Уяачдын наадмын хүрээнд зохион байгуулагдсан хүчит бөхийн барилдаан амжилттай өндөрлөлөө. Тус барилдаанд 128 бөх зодоглосноос Баянхонгор аймгийн Хүрээмарал сумын харьяат, цэргийн арслан Г.Жамбалдорж найман даваа давж түрүүлсэн байна. Тэрээр барилдах эрх нь өнөөдрөөс буюу долдугаар сарын 13-наас сэргэсэн бөгөөд ийнхүү эргэн ирсэн анхны барилдаандаа шууд түрүүллээ.
Барилдааны үзүүрт Дундговь аймгийн Эрдэнэдалай сумын харьяат, аймгийн хурц арслан Н.Амгаланбаатар шалгарсан бол:
- Шөвгийн дөрөвт Завхан аймгийн Отгон сумын харьяат, Улсын начин Т.Дүгэрдорж
- Төв аймгийн Эрдэнэсант сумын харьяат, аймгийн арслан Н.Дашдаваа нар үлдэв.
Энэхүү уралдаан нь хурдан морьдын уралдаан, жороо морь, уламжлалт наадмын бусад төрлүүдтэй хамт явагддаг бөгөөд уяачдын наадмын чухал нэг хэсэг юм. Г.Жамбалдоржийн хувьд барилдааныхаа эхний өдөр өндөр амжилт үзүүлж, дахин идэвхтэй өрсөлдөгч гэдгээ харууллаа.
