Монгол Улсын Ерөнхийлөгч У.Хүрэлсүх болон тэргүүн хатагтай Л.Болорцэцэг нарын зүгээс манай улсад төрийн айлчлал хийж буй Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарыг өнөөдөр төв талбайд албан ёсоор угтах ёслол зохион байгуулав.
Энэхүү ёслол нь гадаад улсын төрийн тэргүүнийг хүндэтгэн угтах дипломат ёслолын дагуу явагдсан ч хэд хэдэн онцгой үйл явдлаар онцлог болов.
Онцлох зүйлс:
- Ард түмний сонирхол өндөр байв
Ийм төрлийн төрийн ёслолд иргэд оролцох нь ховор байдаг. Гэвч энэ удаад олон нийт төв талбайг дүүргэн зогсож, Эзэн Хаан Нарүхито болон Хатан Масаког угтах ёслолд биечлэн оролцсон нь онцгой байлаа. - Их аваргуудын хүндэтгэлтэй оролцоо
Японы мэргэжлийн сүмогийн 68 дахь их аварга Асашёорюү Д.Дагвадорж болон 69 дэх их аварга Хакүхо М.Даваажаргал нар ёслолд хүрэлцэн ирсэн нь гүн хүндэтгэлийн илэрхийлэл боллоо. - Ёслолын буудлага анх удаа хийгдэв
Монгол Улс ёслолын буудлагыг ердөө хоёрхон тохиолдолд хийдэг уламжлалтай. Нэгдүгээрт, Төрийн далбааны өдөрт зориулсан цэргийн ёслолын үеэр, хоёрдугаарт, Монгол Улсын Ерөнхийлөгч таалал төгсөх үед хүндэтгэл үзүүлдэг. Харин энэ удаад түүхэнд анх удаа гадаад улсын төрийн тэргүүнд — Япон Улсын Цог Жавхлант Эзэн Хаан Нарүхитод — ёслолын буудлага үйлдсэн нь хүндэтгэлийн дээд хэлбэрт тооцогдож байна.
Ямар үзэсгэлэнтэй юм бэ – ийм том ёслол! Энэ үйл явдалд эзэн хаан Нарухитод баяр хүргэе
Би энэ ёслолын видео бичлэгийг үзэхийг хүсч байна – энэ нь маш гайхалтай байх ёстой