Microsoft компани Xbox тоглоомын салбарт дахин өргөн цар хүрээтэй цомхотгол хийхээр бэлтгэж байна. Bloomberg агентлагийн эх сурвалжуудын мэдээлснээр, энэ удаагийн реструктуризаци 2025 оны 6-р сарын 30-наас 7-р сарын 6-ны хооронд эхлэх бөгөөд олон тооны ажилтнуудыг хамрах төлөвтэй байна.
Сүүлийн 18 сарын хугацаанд Microsoft Xbox салбарт дөрөв дэх удаагаа томоохон цомхотгол хийх гэж байгаа нь энэ юм. Өмнө нь компани гурван удаагийн цомхотголыг амжилттай хэрэгжүүлж, Arkane Austin болон Tango Gameworks зэрэг дотоод студиудыг хаасан билээ.
Microsoft 69 тэрбум долларын үнэтэй Activision Blizzard компанийг худалдан авснаар тоглоомын салбарынхаа үр ашиг, ашиг орлогыг нэмэгдүүлэх шаардлага өндөр болсон. Энэ хүрээнд шинэ реструктуризаци хийхдээ дотоод студиудыг дахин хаах магадлал ч байгаа ч албан ёсны шийдвэр одоогоор гараагүй байна.
Одоогоор Microsoft компани энэ талаар албан ёсны тайлбар өгөөгүй бөгөөд цомхотголын нарийвчилсан мэдээлэл хүлээгдэж байна.
