ОХУ-ын Башкортостанд эмч нар таван алтан шүд бүхий хиймэл шүдийг гуурсан хоолойдоо (бронх) удаан хугацаанд тээж явсан эрэгтэйн амийг аварчээ. Энэ талаар тус бүгд найрамдах улсын Эрүүл мэндийн сайд Айрат Рахматуллин өөрийн Telegram сувгаараа мэдээллээ.
Өвчтөнийг байнгын ханиалга зовоож байсан ч тэрээр уг зовуурыг өөрийн өндөр нас эсвэл энгийн ханиадтай холбон тайлбарлаж, мэргэжлийн эмчид удаан хугацаанд хандаагүй байна.
Эмч нар эхэндээ уушгины хатгалгаа туссан байж болзошгүй хэмээн сэжиглэж байсан ч үзлэг, оношилгооны явцад эрэгтэйн гуурсан хоолойд гаднын биет байгааг илрүүлжээ. Шалгалтын дүнд тэрээр нойрондоо хиймэл шүдээ алдсан ч үүнд онцгой ач холбогдол өгөөгүй бөгөөд улмаар уг шүд амьсгалын замаар орж, жилийн турш байрлаж байсан нь тодорхой болсон байна.
Эмнэлгийн мэргэжилтнүүд баруун талын гуурсан хоолойн хөндийд тээглэсэн хиймэл шүдийг тусгай гогцооны тусламжтайгаар амжилттай татан гаргажээ. Одоогоор эрэгтэйн амь нас, эрүүл мэндэд ямар нэгэн аюул занал учраагүй байна.
