Монгол Улсын үнэн зоригт харцага Н.Золбоогийн санаачлан хөтлөн хүргэдэг “Хачиртай бантан” подкастын хамт олон үндэсний бөхийг түгээн дэлгэрүүлэх, залуу бөхчүүдийг дэмжих зорилгоор “Үнэн зоригт” шагналыг жил бүр уламжлал болгон олгохоор боллоо. Тус шагналыг амжилттай барилдаж буй шилдэг найман аймгийн цолтонд гардуулах юм.
“Үнэн зоригт” шагналыг намрын эхний барилдаанаас эхлэн Сар шинийн барилдаан хүртэлх хугацаанд аймаг, сумын цолтой болон залуу бөхчүүдийн барилдаанаас цуглуулсан чансааны оноонд үндэслэн олгохоор журамлажээ.
Шалгарсан шилдэг найман аймгийн цолтой бөх тус бүрд дараах урамшууллыг гардуулна:
- 1,000,000 (нэг сая) төгрөгийн мөнгөн шагнал
- Дурсгалын зүйл
- Сургалт болон шинжилгээний эрхийн бичиг
Тус подкаст нь залуу бөхчүүдийг олон нийтэд сурталчлах, тэдний бэлтгэл сургуулилалт болон амжилтад нь бодит дэмжлэг үзүүлэх зорилгоор энэхүү шийдвэрийг гаргасан байна.
